जापानको सिजुओकाको मन्दिरमा बुद्ध मूर्ति स्थापना

सिजुओका, जापान,जुन ३०,आइतबार/ जापानको शिजुओका शहरको होन्जान खाइच्यजी मन्दिरमा सफ्टवेयर इन्जिनियर प्रा.नरेश महर्जन र जापान देशकै ठुला व्यापारीका पहिचान बोकेका सुगियामाज्युले नेपालबाट भूमिस्पर्श बुद्ध लगेर दानमा दिनुभएको छ।
होन्जान खाइच्यजी मन्दिरका संरक्षक भिक्षु नाखाज्यो निचियूले सो दिन बिहान ८:३० बजेको साइतमा भगवान बुद्धको भूमिस्पर्श मुद्राको मूर्तिलाई मन्दिरमा भित्र्याई उपासक उपासिकाहरुका माझ बुद्ध पाठ गरेर मन्दिरमा प्रतिस्थापन गर्नुभएको थियो।
होन्जान खाइच्यजी बुद्ध मन्दिर जापान देश भरिमा नै निकै पुरानो बुद्ध मन्दिर मध्ये एक हो। आठौं शताब्दीमा हेइन शासन कालमा यो मन्दिरको स्थापना भएको हो। निकै क्षेत्रफलमा फैलिएको यो मन्दिर शान्त वातावरणमा ध्यान बस्न लायक मन्दिर मध्ये एक हो।
होन्जान खाइच्यजी मन्दिरको भुँई तल्लाको ठुलो हलमा जापानी ठुलो बुद्ध राखिएको छ भने त्यसको माथिल्लो तल्लामा नेपालबाट लगेको भूमिस्पर्श नेपाली बुद्ध राखिने त्यस मन्दिरका संरक्षक भिक्षु नाखाज्यो निचियूले बताउनु भएको छ। स्मरणीय यो भूमिस्पर्श बुद्ध नेपालबाट जापान पठाउनको निमित्त प्रो. नरेश महर्जनका साथी उपासिका रिता महर्जनज्युले सहयोग गर्नुभएको थियो।
बुद्ध जन्मेको देश नेपालदेखि बुद्ध ल्याएर मन्दिरमा दान दिनुभएका सफ्टवेयर इन्जिनियर प्रो. नरेश महर्जनज्यु र व्यापारी सुगियामाज्यु तथा सहयोगी उपासिका रिता महर्जनज्युलाई मन्दिरका संरक्षक भिक्षु नाखाज्यो निचियूद्वारा साधुवाद र आशिर्वाद प्रदान गर्नुभयो ।