सिकाली देवीको गणनाच काठमाडौमा हुँदै !

रवि महर्जन ,काठमाडौं /आज चैत २२ गतेदेखि काठमाडौँमा खोकनाको १२ बर्षे सिकालि जात्राको गणनाच सुरु भएको छ ।
आज दिउँसो खोकनाबाट हिंडेको देवगणको टोली साँझ पचली क्षेत्रमा रहेको सिकाली मन्दिर पुगेको थियो । त्यस क्षेत्रमा देवगणको मुकुन्डो र पहिरन पहिसकेपछि सर्वप्रथम पचली भैरव लगिएको थियो भने पछि चलखुमा देवगणलाई स्थानीयहरुले विशेष रुपमा नेवारी परम्परा अनुसार स्वागत गरिएको थियो ।
खोकनाको सिकालि जात्रा देवगणको नाच वर्षे पिच्छे निरन्तर चलिआएको एउटा ऐतिहासिक एवं उत्कृष्ट परम्परा हो । यस बर्ष (बि. सं. २०८०)मा उक्त सिकालि जात्रा देवगणको नाच १२ बर्षे जात्रा पर्न आएको छ । यस अवसरमा परम्परादेखि खोकनाबाट देवगण सहित काठमाडौं प्रवेश भएर विभिन्न ठाउँहरुमा सिकालि
देविनाच प्रदर्शन गर्ने चलन रहेको छ ।
सिकाली नाच व्यवस्थित तरिकाले अगाडि बढाउनका कार्यक्रम सुव्यवस्थापन कार्यका निम्ति ज्यापु महागुथि नेपाः
काठमाडौं महानगर समितिको संयोजकत्वमा काठमाडौं महानगर भित्रका देवगण प्रवेश गर्ने रुटमा पर्ने विभिन्न परम्परागत टोलका प्रतिनिधि, स्थानिय क्लब संघ संस्थाको संस्थागत प्रतिनिधित्व र सक्रिय ब्यक्तिहरु समेत समावेश गरेर सिकालि जात्रा ब्यवस्थापन तथा समन्वय समिति गठन गरिएको थियो ।
इतिहासमा उल्लेख भए अनुसार ज्यापु समुदायको मूल बस्ति काठमाडौं उपत्यकाको साथै छिमेकी जिल्लाहरुमा रहिआएको छ । खोकना ललितपुर महानगरपालिकाको ऐतिहासिक एवं पुरातात्विक स्थान हो । यहाँ एकाध बाहेक पुर्ण रुपमा ज्यापु समुदायको बस्ति रहेको छ । खोकना बासिहरुले आ-आफ्नो मौलिक संस्कार, संस्कृति, परम्परा, चार्डपर्व, जात्रा, साँस्कृतिक बाजागाजा आदि इत्यादिलाई निरन्तरता दिनुको साथै सिकालि जात्रा (श्री रुद्रायणी देवीको जात्रा) बर्षेनि सिकालि देवगणको देविनाच परम्परालाई पनि निरन्तरता दिइदै आइरहेको छ । यस बर्ष सिकालि जात्रा परम्पराको १२ बर्षे मेला परेको छ । १२ बर्षे मेलाको अवसरमा खोकना लगायत छिमेकी गाउँहरुमा र जिल्लाहरुमा पनि देविनाच प्रदर्शन गर्ने परम्परा
अनुरुप यहि आज चैत २२ गने सिकालि देवगण सहित काठमाडौंमा प्रवेश गरी हनुमान ढोका भित्र सिकालि देविनाच प्रदर्शन गर्ने तिथि रहेको छ । उक्त देवगण काठमाडौंमा प्रवेश भए पछि हनुमान ढोका
भित्र नासः चोक, तलेजु भगवानको अगाडी त्रिशुल चोक र कालभैरव पछाडि डबलीमा सिकालि देवीनाच प्रदर्शन गर्ने परम्परा रहेको छ । त्यस्तैगरि जनसमुदायको माग रपरम्परा अनुरुप इन्द्रचोक, लगन सिंहसतल अगाडी पनि सिकालि देविनाच प्रदर्शन गर्ने गरिन्छ ।
सिकालि देवगणको पुजा ब्यवस्थापन समिति ह्यूमत तुकं बहाः टाेलले  सगुनसहित स्वागत गरी पूजा अर्पण गरेको छ ।