आज: | Tue, 03, Nov, 2026
काठमाडौँ / नेपालको गौरवको रूपमा रहेको विश्व सम्पदा सूचीमा सूचीकृत लुम्बिनीको प्रवर्द्धनका लागि अन्तराष्ट्रिय शान्ति मेला (First Lumbini Intrnational Peace Festival)
आयोजना गरिने भएको छ । लुम्बिनीको धार्मिक , संस्कृतिक र ऐतिहासिक पक्षलाई अन्तराष्ट्रिय रुपमा प्रचारप्रसार गर्न ध्यान, म्याराथन दौड र सांस्कृतिक कार्यक्रमसहित प्रथम लुम्बिनी अन्तर्राष्ट्रिय मेला आयोजना गर्न लागिएकोको हो ।
काठमाडौँको एम्बेसडर होटल लाजिम्पाटमा आज शुक्रबार एक पत्रकार सम्मेलनको आयोजना गरी नेपालस्थित चिनियाँ राजदूतावास, नेपाल पर्यटन बोर्ड, नेपाल ओलम्पिक कमिटी र लुम्बिनी विकास कोषले संयुक्त रुपमा मेलाको आयोजना गर्न लागेको जानकारी दिइएको हो ।
पत्रकार सम्मेलनमा जानकारी गराउने क्रममा चिनियाँ राजदूतावासको काउन्सिलर वांग सिनले लुम्बिनीको थप ब्राण्डिङ गर्न, नेपालको पर्यटन प्रवर्द्धन गर्न र विश्वमा मैत्री बढाउन लुम्बिनीमा साँस्कृतिक र खेलकुदसम्बन्धी विभिन्न कार्यक्रम आयोजना गर्न लागिएको बताए ।
मेलाको कार्यक्रम तालिका अनुसार आगामी शुक्रबार विहान भगवान बुद्धको जन्मस्थल मायादेवी मन्दिर परिसरमा लुम्बिनी अन्तर्राष्ट्रिय ध्यान शिविर सञ्चालन हुनेछ । यो करीव दुई घण्टाको अवधिको हुनेछ । ध्यानमा भिक्षुभिक्षुणी,सर्वसाधारण उपासक उपासिकाहरुको सहभागिता रहने बताइएको छ ।
यसैक्रममा शनिबार विहान लुम्बिनी अन्तर्राष्ट्रिय म्याराथन प्रतियोगिताको हुनेछ । प्रतियोगिताअन्तर्गत पुरुषतर्फ अन्तर्राष्ट्रिय मापदण्ड अनुसारको ४२ किलोमीटरको म्याराथन दौड हुनेछ भने महिलातर्फ २१ किलोमिटर दुरीको हाफ म्याराथन दौड गरिने छ । पाँच किलोमिटरको रोड रेस र तीन किलोमिटरको बाकाथन पनि प्रतियोगितामा समावेश गरिएको छ ।
लुम्बिनी स्क्वायर थियटरमा शनिबार साँझ लुम्बिनी पिस कन्सर्टको रुपमा मनोरञ्जनात्मक प्रस्तुती देखाइने छ । कन्सर्टमा चिनियाँ क्लासिक गीत, बुद्धधर्मसँग सम्बन्धित संगीत र नेपाली लोक गीतलगायतका सांस्कृतिक प्रस्तुति समावेश गरिने छन् ।साँस्कृतिक प्रस्तुतिका लागि चिनियाँ गायिका उलान थुया र कलाकार लु निङ, नेपाली गायिका आनि छोइङ् डोल्मा र लुम्बिनीकास्थानीय कलाकारले प्रस्तुति दिनेछन् । करिब २ हजार दर्शकले सो सांस्कृतिक कार्यक्रम हेर्ने अनुमान गरिएको छ ।
नेपाल ओलम्पिक कमिटीका अध्यक्ष जीवनराम श्रेष्ठ, लुम्बिनी कोषका सदस्यसचिव सानुराजा शाक्य र नेपाल पर्यटन बोर्डकी कामु प्रमुख कार्यकारी अधिकृत नन्दिनी थापाले लुम्बिनीमा आयोजना गरिने शान्ति मेलाले ध्यान, धर्म, संस्कृति, खेलकुदको माध्यमबाट अन्तर्राष्ट्रियरूपमा नेपालको पर्यटन प्रवर्द्धन गर्न ठूलो मद्दत पुग्ने उल्लेख गरे । सो अवसरमा विभिन्न विधाका कार्यक्रममा लागि तयार पारिएका फरक फरक लोगोहरू पनि सार्वजनिक गरिएको थियो । लुम्बिनीको प्रवर्द्धनका लागि यो कार्यक्रम राम्रो सुरुवातको रूपमा जानेछ भनी अपेक्षा गरिएको छ ।
सुभाय् मिडिया प्रा.लि.
ताम्सिपाखा , देयको , पुष्पलाल पथ काठमाडौं -१८
ईमेल: [email protected]
कार्यालय फोन- ०१-२१५६४४
स्थायी लेखा नम्बर- ६१२२८०१००
सूचना विभाग दर्ता नम्बर: ४५८/०७४-७५
संचालक तथा सम्पादक महर्जन रत्न
सम्पादक विजयकृष्ण श्रेष्ठ
राजेन्द्र महर्जन
सह-सम्पादक/ व्यवस्थापक रन्जु श्रेष्ठ
समाचार प्रमुख रवि महर्जन
फोटो सम्पादक नातिकाजी महर्जन
नेपाल संवत् न्हूदँ राष्ट्रिय समारोह समिति ११४७को अध्यक्षमा दक्ष प्रशासक सुगतरत्न कंसाकार
“नेवा: विश्वविद्यालय” स्थापनाको प्रक्रिया अघि बढ्यो
काठमाडौं फिल्म फेस्टिभल सम्पन्न, ‘भकुण्डे भूत’ ले जित्यो छोटो भिडियो चुनौतीको पहिलो पुरस्कार
लिपिविद् श्यामसुन्दर राजवंशीको नजरमा चार महत्वपूर्ण शिलालेख
