काठमाडौंमा विपस्यना ध्यान गर्दै आमिर खान

काठमाडौं / हिन्दी सिनेमाका नयाँ शोम्यान कहलिएका फिल्म मेकर तथा अभिनेता आमिर खान नेपालमा आई विपस्यना धर्मश्रींग ध्यान केन्द्र बुढानिलकण्ठ पुगेका छन् । कार्यक्रम अनुसार उनी १० दिन विपस्यना ध्यान केन्द्रमा ध्यान अभ्यासमा रहने छन् । आज मात्रै भारतका यी चर्चित फिल्म मेकर तथा अभिनेता नेपाल आइपुगेका थिए ।

भिस्तारा एयरलाइन्सबाट काठमाडौं ओर्लिएका उनी विपश्यना केन्द्रमा ११ दिन बिताउने कार्यतालिका रहेको विपश्यना ध्यान गुरु तथा उद्योगपति रूप ज्योतिले जनाए।

विपस्यना ध्यानको महत्त्व कति रहेको छ भने यसले मानिसको श्रुतमय ज्ञानलाई चिन्तनमय प्रज्ञामा विकास गर्न मद्दत गर्दछ । यस किसिमको अभ्यासले शील समाधि प्रज्ञा अनि निर्वाणको बाटोको मार्ग प्रशस्त गर्ने कार्य गर्दछ । आमिर खानको यस ध्यानप्रतिको श्रद्धा भाव सर्‍हाहनीय छ ।