येँ (नेपालभाषा टाइम्स) / नेवा: नां दुगु संस्था दर्ता यायेत येँ जिल्लाया सीडीओ कार्यालय सहमत जूगु दु। म्हिगः बागमति प्रदेशया सांसद शैलेन्द्र वज्राचार्यया नेतृत्वय् वंगु पुच: लिसे खँ ल्हासें येँ जिल्लाया सीडीओ घनश्याम उपाध्याय नेवाः खँग्वः तया हःगु संस्था न दर्ता
यायेगु खँ कनादीगु खः । खँल्हाबल्हाय् सहायक सीडिओ देवी पाण्डे(खत्री) नं दीगु खः । सीडीओ उपाध्याय नेवाः लगायत नेपाः दुनेया न्ह्यागु भासं नां तया हःसां अज्याःगु संस्था दर्ता यायेगु खँ कनादीगु खः । लिसें वय्कलं संस्था दर्ता यायेगु फाँटय् च्वनीम्ह अधिकृत खड्ग श्रेष्ठयात खस नेपाली बाहेक मेमेगु भासं वःगु संस्था नं दर्ता याना बीत निर्देशन बियादिल ।थ्व स्वयां न्ह्यः सीडीओपाखें नेवाः नां तया हःगु संस्था दर्ता मयासे लित छ्वया हःगु खः । लिपांगु इलय् ‘सभ्यता नेपाः’ नांगु संस्थायात ‘नेपाः’ खँग्वः लिकयाः’नेपाल’ तया हजि धकाः दर्ता मयासे लित छवयाहःगु खः । थ्वहे विषयय् म्हिगः सांसद वज्राचार्य लिसें नेपालभाषा टाइम्सया सम्पादक सुरेश किरण व बजार व्यवस्थापक राजेन्द्र मानन्धर (नीलः) पिं सीडीओ ज्याकुथिइ खँ ल्हाः वंगु खःसा उगु इलय् सीडीओ बागमति प्रदेशया सांसद शैलेन्द्र बज्राचार्य लिसें यँया सिडिओ घनश्याम उपाध्याय व सहायक सिडिओ देवी पाण्डे उपाध्याय ‘सम्पदा नेपाः’ लगायत उकुन्हु लित छ्वयाहःगु मेमेगु संस्था न दर्ता यायेगु बच बियादीगु खः । वय्कलं संस्थाया ना अनुवाद मयासे बरु विधानया प्रस्तावनायू संस्थाया नांया अर्थ खुले जुइक छइव: खस नेपाली भासं तया हयेत नं इनाप यानादीगु दु ।
सुभाय् मिडिया प्रा.लि.
ताम्सिपाखा , देयको , पुष्पलाल पथ काठमाडौं -१८
ईमेल: [email protected]
कार्यालय फोन- ०१-२१५६४४
स्थायी लेखा नम्बर- ६१२२८०१००
सूचना विभाग दर्ता नम्बर: ४५८/०७४-७५