मण्डला टेलिभिजन शुरु

काठमाडौं /काठमाडौंमा एक कार्यक्रमकाबीच मण्डला टेलिभिजनको समुद्घाटन गरिएको छ । नेवाः संचार जगतमा अनलाइन टेलिभिजनको रूपमा मण्डला टेलिभिजनको उद्घाटन बुधबार काठमाडौं येँ महानगरपालिकाका उपमेयर सुनिता डंगोलले गरेका थिए ।
प्रमुख अतिथि उपमेयर डंगोलले अनलाइन टेलिभिजन आजका युवाको आवश्यकता भएको भन्दै नयाँ पुस्ताको यस किसिमको संचार माध्यमसँग गाँसिरहने बताए ।
कार्यक्रममा मण्डला टेलिभिजनका कार्यक्रम निर्देशक आर्यम नकःमिले स्वागत मन्तव्य राख्दै आफ्नो टेलिभिजनले नेपालले गौरव गर्न सक्ने प्रचलित नेपाल लिपिलाई मूल लिपिको रुपमा स्थान दिने बताउँदै यो कार्य देशकै टेलिभिजन क्षेत्रका निम्ति नमूना कार्य हुने दावी गरे ।
कार्यक्रममा नेप्लीज फेशन होमका हेमा मानन्धर, वरिष्ठ कलाकारहरु मदनदास श्रेष्ठ व राजाराम पौड्याल विशेष अतिथिका रूपमा सहभागी हुनुभएको थियो । कार्यक्रम मण्डला टेलिभिजनका सुरबहादुर श्रेष्ठको सभापतित्वमा भएको थियो ।
आउँदो य:मरि पुन्हि अर्थात धान्य पूर्णिमादेखि टेलिभिजन प्रसारणमा जाने लक्ष सहित कार्यक्रम निर्माण कार्य भइरहेको कार्यक्रम निर्देशक आर्यम नक:मि जानकारी दिनुभयो ।