तीन दशक अगाडि चर्चित गायिका जुनूको पुनरागमन !

काठमाडौं / तीन दशक अगाडि चर्चित गायिका बन्न सफल भैसकेका गायिका जुनू श्रेष्ठको नयाँ एल्बम “जून” भिडियोसहित विमोचन गरिएको छ ।
प्रमुख अतिथीद्वय वरिष्ठ गायक दीप श्रेष्ठ तथा हाँस्य सम्राट मदनकृष्ण श्रेष्ठले रिमोट थिचेर दुई चरणमा गीतहरु लोकार्पण गरिएको हो ।
लामो समय गुमनाम भएका गायिका जुनू श्रेष्ठको गायकी तीन दशक अगाडि भन्दा निकै खारिएको यो एल्बममा महसुस गर्न सकिन्छ ।
राम्रो गीत पस्कने जादुमय स्वरकी धनी बोल्नमा भने कमजोर देखिए । आफ्नो गीति एल्बमको बारेमा बोल्दै उनले आफ्ना स्वर्गीय गुरुहरुप्रति श्रद्धाञ्जली व्यक्त गर्दै गीति क्षेत्रमा फर्कन संगीतकार अनिल शाहीको हौसला पाएर संभव भएको बताए ।
कार्यक्रममा वरिष्ठ सिनेकर्मी चलचित्र पत्रकारद्वय प्रकाश सायमि तथा बिजयरत्न असंबरेले जुनू श्रेष्ठको गायण यात्राको चर्चा गर्दै उनको स्वरको तारिफ गरे ।
मुख्य अतिथीद्वयले उनको पुनरागमन सुखमय होस् भन्ने कामना गरे ।
“जून”एल्बमको संगीत संयोजन अनिल शाहीले गरेका छन् । भिडियो निर्देशन क्यामरा र सम्पादन कार्य सोहन मानन्धरको रहेको छ ।