लँपु- अलग अलग ! (चिबाखं)

च्वमि: सुधीर ख्वबि
भाय् हिलामि: मथुरा सायमि ।
वं रामयात मालाच्वंगु धकाः जिं मसिल । जिं राधायात मालाच्वनागु खॅ नं वं मस्यू हे जुइ । इलं घ्वानायंगु लॅपुइ जिपिं निम्हं ध्वदुक्क नापलात । म्हस्यूतास्यू जुल ।निम्हसियां खॅ ब्यात । निम्हं छपु हे लॅपुं न्ह्याः वनाच्वना ।
वया मिखाय् जि राम थे च्वनावल । जिगु मिखाय् व राधा थे च्वनावल । भचा लिपा जिमिसं थःथःपिन्त म्हसिल । जिं थुल, वया सीता जुइ मास्ते वल खनी । अले जि कृष्ण जुइ मास्तेवःगु खॅ नं वं बुलुहुॅ बुलुहुॅ थुइका काल ।
उलिया दुने जिपिं निका-लॅपुइ थ्यन । नि-दुवाः । मात्र निपु लॅ-पु । निखरांचा मन । ई न्ह्यानां वनाच्वन । बी-निभालं जिमिगु ख्वालय् पित्तुपीकः वल ।
लिबाइ थे च्वनावल निम्हसितं । बुलुहुॅ अले जि बृन्द्राबनपाखे स्वया , वं पलाः छित अयोध्यापाखे !!!