“पचली भैरब” पुस्तक विमोचन

काठमाडौं / गत वर्ष नाटकका रूपमा प्रस्तुत गरिएको पचली भैरबको कथालाई पुस्तकका रूपमा प्रकाशित गरिएको छ ।
चर्या नृत्य गुरुका रुपमा पहिचान बनाइसकेका चन्द्रमान मुनिकारले संकलन गरी निर्देशन गरेको पचली भैरबको नाटकको पुस्तक एक कार्यक्रमकाबीच शनिबार विमोचन गरिएको थियो ।
काठमाडौंको टेकुस्थित कौसी थिएटरमा आयोजित कार्यक्रममा श्रद्धेय भिक्षु खेम अशोक , काठमाडौं महानगरपालिकाका उपप्रमुख सुनिता डंगोल, नेवाः देय् दबूका अध्यक्ष पवित्र बज्राचार्य , बौद्ध विद्वान यज्ञमानपति बज्राचार्य लगायतले पुस्तक बिमोचन गर्नुभएको थियो ।
पचली भैरब नाटक गत वर्ष कात्तिक २५ गतेदेखि मंसिर ४ गतेसम्म नाटक कौसी थिएटरमा मञ्चन गरिएको थियो ।
पचली भैरवलाई बज्रयान बुद्ध धर्म अनुसार क्षेत्रपालको रुपमा मान्ने गरिन्छ ।
काठमाडौं उपत्यकामा पचली भैरबलाई देशका रक्षकका रुपमा निकै आदरका साथ पूजा गरिन्छ । हरेक वर्ष असोज शुक्ल पंचमी पचिमर्‍हका दिन यस देवताको जात्रा भव्य रुपले मनाइने गरिन्छ ।
देशका सम्पदा संस्कृति र धर्म सम्बन्धि अध्ययन गर्नेहरूका निम्ति यो पुस्तक निकै उपयोगी हुने विश्वास गरिएको छ ।