प्रचण्ड, नारायणकाजीपछि माधव कुमार नेपाल पनि कोरोना पोजिटिभ

काठमाडौं । देशमा कोरोना संक्रमित हुनेहरूको संख्या ह्वात्तै बढेको बेला  नेकपा एकीकृत समाजवादीका अध्यक्ष माधवकुमार नेपाललाई कोरोना संक्रमण पुष्टि भएको छ ।
मंगलबार आएको रिपोर्ट अनुसार उनीमा संक्रमण पुष्टि भएको उनको सचिवालयले जनाएको छ । उनको स्वास्थ्य अवस्था सामान्य रहेको र उनी आफ्नै निवासमा स्वास्थ्य लाभलिइरहेको सचिवालयले जनाएको छ । यसभन्दा अगाडि नेकपा (माओवादी केन्द्र )का अध्यक्ष प्रचण्ड र नेता नारायण काजी श्रेष्ठमा पनि कोरोना संक्रमण पुष्टि भैसकेको छ ।
कोरोना संक्रमण देशभर बढेको भन्दै सोमबार मात्रै नेता नेपालले एक अपिल जारी गर्दै पार्टीका बैठक तथा भेलाहरू गर्दा स्वास्थ्य मापदण्ड पूरा गरेर मात्रै गर्न निर्देशन दिएका थिए ।