सेभ नेवा: भ्यालिं पाखें नेवा: अभियन्तापिन्त हन

यें/ नेपाल संवत ११४२ लसताय् सेभ नेवा: भ्याली पाखे् येंया लगं त्वालय् छगू ज्याझ्व: यासें नेपाल बार एसोसिएसनया नायः चन्डेश्वर श्रेष्ठ, सर्बोच्च बारया नायः पूर्णमान शाक्य व बौद्ध बिद्वान स्थानीय सम्मानित ब्यक्ति ज्ञानमान शाक्यपिन्त हनेज्या या:गु दु । अथे हे सम्पदा अभियन्तापिन्त नं हनेज्या या:गु ख: ।
ज्याझ्वलय् सुन्दर श्रेष्ठं च्वयादीगु नेपाल संबत प्रवर्तक शंखधर साख्वाः सफू बिमोचन नं जूगु ख: ।
ज्याझलय् थीथी सांगीतिक ज्याझ्व: नं जुगु ख: । ज्याझ्व: ग्वसा:खल: संस्थाया नाय: शैलेश शाक्य बरेजुं न्ह्याकादीगु ख: ।