चमतीमा वृद्ध विश्राम भवन तथा पार्क उद्घाटन

काठमाडौँ / काठमाडौँ महानगरको वडा १५ वडामा रहेको चमति जग्गा एकीकरण आयोजना क्षेत्रभित्र ज्याथ: झासुलने छें (वृद्ध विश्राम भवन) तथा पार्कको शनिबार काठमाडौं महानगर पालिकाका मेयर बिद्यासुन्दर शाक्यले उद्घाटन गरेका छ्न् । चमति टाउन प्लानिङभित्र स्थानीयबासीको जग्गा योगदानबाट प्राप्त भएको १ रोपनी १४ आना जमिनमा २ तले भवनसहितको पार्क निर्माण गरिएको हो । बृद्ध विश्राम गृहमा स्थानीय ज्येष्ठ नागरिकहरुले केहि दिन अगाडिदेखि ज्ञानमाला भजन पनि गाउँदै आएका छन् । त्यसैगरी पार्कमा अध्यात्मिक भावना जगाउने देवी देवताका मूर्ति राखिएका छन् । भगवान बुद्ध , महादेव , महामञ्जुश्री, हारती माता, , बसुन्धरा देवी, बुद्ध, महाङ्काल,गणेश, कुमार, लक्ष्मीनारायणलगायत मूर्तिहरु प्रतिस्थापन गरिएको छ ।  

पार्क निर्माण गर्न काठमाडौँ महानगरपालिका, चमती जग्गा एकीकरण आयोजना र स्थानीय पूर्वाधार साझेदार कार्यक्रमअन्तर्गत काठमाडौँ क्षेत्र नं. ८ का संसद जीवनराम श्रेष्ठको संसद कोषको लागत सहभागिता रहेको छ । यसका लागि चमति नेवाः खलसँगको सहकार्यमा स्थानीयले करीव ३० लाख रुपैयाँको सहभागिता जनाएका छन् ।