बागमती प्रदेशकी नवनियुक्त मुख्यमन्त्री शाक्यद्वारा सपथ, पाण्डे र खनाल मन्त्री नियुक्त !

नेपालको प्रथम महिला मुख्यमन्त्री अष्टलक्ष्मी शाक्य

हेटौंडा / नेपालको पहिलो महिला मुख्यमन्त्री बन्नु भएका बागमती प्रदेशको नवनियुक्त मुख्यमन्त्री अष्टलक्ष्मी शाक्यले पद तथा गोपनीयताको सपथ लिएका छन् ।

सपथ ग्रहण गर्दै नवनियुक्त मुख्यमन्त्री शाक्य

यस अघि चुनावमा पनि नेकपाको मोर्चाले शाक्यलाई मुख्यमन्त्रीको प्रत्यासएएको रुपमा अगाडि सारिएको थियो । तर नेकपा उपाध्यक्षजस्तो पदमा रहेका शाक्यलाई एक जिल्ला स्तरको नेताभन्दा कम आंकलन गरी ओलि पक्षले हेटौंडाका पूर्व मेयर गिरिराजमणि पौडेललाई मुख्यमन्त्री बनाइएको थियो जसको चौतर्फी आलोचना भएको पनि थियो । तर यतिबेला चारैतिरबाट च्यापिएपछि मुख्यमन्त्री पद बचाउ र पूर्व मूख्यमन्त्रीको सेफ ल्याण्डिङ गर्दै उनलाई नेकपा एमालेको संसदीय दलको नेता बनाई मूख्य मन्त्री बन्ने बाटो खोलिदिएको बुझिएको छ ।
राससका अनुसार शाक्य यसअघि नेपाल सरकारको उद्योग र महिल, बालबालिका तथा समाज कल्याणमन्त्री भइसक्नुभएको छ । उहाँ देशकै पहिलो महिला मुख्यमन्त्री बन्नुभएको हो ।
नवनियुक्त मुख्यमन्त्री शाक्यको जन्म विसं २०११ को दशैँको अष्टमीका दिन काठमाडौँमा भएको थियो । आमा बुबाका आठ सन्तानमध्ये शाक्य दोस्रो सन्तान हुनुहुन्छ । आजै प्रदेश प्रमुख प्रसाईंले नेपालको संविधानको धारा १६९ को १ को (क) बमोजिम प्रदेशका मुख्यमन्त्री पौडेलले दिनुभएको राजीनामा स्वीकृत गर्नुभएको थियो ।
यसैबीच नवनियुक्त मुख्य मन्त्री अष्टलक्ष्मी शाक्यले पद तथा गोपनीयताको सपथ लिनु भएसँगै दुई जना मन्त्री नियुक्त गरेका छन्। उनले आन्तरिक मामिला तथा कानुन तथा भौतिक विकास मन्त्रीको रुपमा केशवराज पाण्डे तथा समाजिक विकास मन्त्रीका रुपमा कृष्णप्रसाद खनाललाई नियुक्त गरेका हुन् । नवनियुक्त मन्त्रीहरूलाई भाद्र २ गते नैं पद तथा गाेपनीयताकाे सपथ लिन दिइएको छ।

नवनियुक्त मन्त्रीहरूलाई सपथ दिंदै मुख्यमन्त्री