पवनदीप बने इन्डियन आइडल !

ईन्डियन आइडलमा यस पटक गजबको प्रतिभाको रुपमा उदाएका पवनदीप राजनले इन्डियन आइडल 2021 को टाइटल जित्न सफल भएका छन् । हरेक किसिमको प्रस्तुतिमा अब्बल देखिएका पवनदीप दर्शकको नजरमा पनि अब्बल ठहरिए । आफ्नो थलोको पहिचानसहितको टोपी लगाएर मंचमा आइरहेका यिनी नेपाली मूलका रहेका र यिनले नेपाली गीत पनि गाए । “ए बिजुलीको तार …” जस्ता गीत पनि प्रस्तुत गरे ।
यसरी सुरुदेखि निर्णायक तथा दर्शकमाझ लोकप्रिय छवि बनाउन सफल यिनले आखिर इन्डियन आइडल प्रतिस्पर्धा जितेरै छोडे ।
गए राति भएको फाइनलमा पवनदीपले प्रतिस्पर्धामा अरुणिता कांजीलाल, मोहम्मद दानिश, शनमुख प्रिया, निहाल तारो र सायली कांबलेलाई पछाडि पर्दै यो उपाधि जित्न सफल भएका हुन् । निर्णायकमध्येका एक विशाल डडलानीले पवनदीपलाई पहिलो पटक सुन्दा नै उनी एक स्टार पर्फमर भएको आफूलाई लागेको बताएका थिए ।