आज १,६६७ सङ्क्रमित थपिए ,११ को मृत्यु

काठमाडौं / आज मंगलबार नेपालमा कोरोनाभाइरसका १,६६७ जना नयाँ सङ्क्रमित भेटिएको छ । गत पछिल्लो चौबीस घण्टामा ८,०५५ जनाको पीसीआर परीक्षण गरिएकोमा १,६६७ जनामा भाइरसको सङ्क्रमणको पुष्टि भएको हो ।
हाल ८,६५९ जनामा भाइरसको सङ्क्रमण सक्रिय रहेको छ ।
मन्त्रालयले पछिल्लो चौबीस घण्टामा ६९३ जनाको एन्टीजेन परीक्षण गरेकोमा ६९ जनामा पोजिटिभ पाइएको जनाएको छ । मन्त्रालयका अनुसार पछिल्लो चौबीस घण्टामा २५१ जना सङ्क्रमित निको भएका छन् ।
मन्त्रालयले पछिल्लो चौबीस घण्टामा तीन जना सङ्क्रमितको मृत्यु भएको जनाएको छ । २४ घण्टाभित्र ११ जना सङ्क्रमितको मृत्युको पुष्टि भएको मन्त्रालयले उल्लेख गरेको छ ।