• सुभाय् पोस्ट बिशेष
  • समाचार
  • विचार
  • नेवाःख्यः
  • सम्पदा/संस्कृति
  • साहित्य
  • कला/मनोरंजन
  • बजार
  • खेलकुद
  • व्यक्तित्व
  • प्रविधि
  • प्रवास
आज:  | Mon, 08, Mar, 2021
  • सुभाय् पोस्ट बिशेष
    • Live Program
    • Videos
  • समाचार
    • उपत्यका
    • राष्ट्रिय
    • अन्तर्राष्ट्रिय
  • विचार
  • नेवाःख्यः
  • सम्पदा/संस्कृति
  • साहित्य
  • कला/मनोरंजन
  • बजार
  • खेलकुद
  • व्यक्तित्व
  • प्रविधि
  • प्रवास
होमपेज / साहित्य

नाटक !!

सुभाय् संवाददाताFebruary 9, 2021 मा प्रकाशित (३ हफ्ता अघि) अनुमानित पढ्ने समय : ४ मिनेट

मथुरा सायमि

खुगू दशकं मयात जिं कबि दुर्गालाल श्रेष्ठ म्हस्यूगु । दबुली दबुली भाजु भृगुरामलिसे खने दैच्वनी । म्ये हालाजुइ , प्याखं हुलाजुइ । स्वयाच्वॅक्व स्वक्वमितयत सालाच्वने फुगु उमिगु क्षमता । स्वयाच्वंपिं सुं इकिधिकि सनीमखु । स्वःलिसे स्वये मगानाच्वनी उमिगु प्रस्तुति ।
भचा म्हस्यूतास्यू जुइव छन्हु वं जितः थःथाय् ब्वनायन । न्हायकं त्वालय् , दुने चुकय् । खॅ सः । खॅ ल्हानाः भुलय् याना तयेफु । तःधं छुइम्वाः । सरलय् न्ह्यागु खॅय् नं भ्यलय् पुनेफु । उकिं वलिसे स्वापूतैपिं मनूत तम्वयाः वलिसे बायावन धयागु न्यने मलं ।
वया क्वथा स्वम्ह मनू च्वनेवं जाः । झ्याःक्वसं साःगाः दुसां वया क्वथाय् मनूत च्वंच्वने न्ह्याः। वया खॅ न्यन्यं ई वं मचाः । वं थःगु कबिता न्यंकी। थूसां मथूसां न्यने । जिं थःगु बाखं न्यंके । वं ध्यान तयाः न्यनी । सरसल्लाह ब्याकी । गबलें बाखं कनागु क्वचाय् धुंकी । वया ध्यान ला गन वं गन वं जुयाच्वनी । कबितय् हू वयाच्वनी धाइ । खःला धयाथे च्वनी ।
उप्वः थासय् निम्ह नापनापं जुया । साहित्य सम्मेलनय् जक मखु , नयेथाय् त्वनेथाय् नं । छन्हु निम्हं छथाय् नयेथाय् । तेबिलय् बजि घासा जक मखु , गिलास नं निगः दु । उकी क्वाःगु मखु , ख्वाउॅगु भचाभचा नं दु । नयांच्वना त्वनांच्वना । व पुतुपुतुं हालाहल, ” मथरादाइ , छिं नाटक छगू च्वयादिसॅ । छधाः प्याखं । फसात हे जुयाच्वन । ”
खॅ मथुयाः जिं वया ख्वालय् स्वयाच्वना ।
वं धयाहल , ” अमृत साइन्स कलेजया बिद्यार्थीतसें म्हिते धकाः च्वंच्वंगु । नाटक छपु मदयाः उपिं भःभःन्हुयाच्वन । पायछिगु छपु गनं हे मलुयाच्वन । ”
खॅ थुल । अले जिं धया , ” अयसा दुर्लाल दाइनं हे च्वया ब्यु रे छपु । स्यनीम्ह नं छि हे खः । ”
” खः। खयां छु याये । च्वयानैम्ह मखुत जि । च्वयेत छिं हे च्वया बियादिसॅ मथरादाइ । मजुइ मखु, जुइ । ”
” गन च्वइ जिं । बाखं च्वइम्ह मनुखं प्याखं । सःसा धकाः ….। ” जिं वया म्हुतुप्वाः तिकेथें धया ।
निम्हं नयाच्वना । भचाभचा म्हुतु नं प्याका हे च्वना । निम्हं आः धाःसा छगू हे खॅय् क्वसीक दुना । गय् यानाः छपु नाटक च्वयेगु ? छपु नाटक …।
शान्तगु वाताबरनय् बम तज्याये थे वया म्हुतु अनायास चालावन , ” …..पर्दा सरररर चाली । क्वथा । क्वथा नं घलःमलः । लुखा तिना तइ । क्वथाय् सुं दइमखु । सुनसान । छत्थुं कुनें कालललल कुललल सः वइ । घारररर घुरररर सनी । हरररर हरररर न्हिलाहइ । स्वाहाने हे तज्याइ थे च्वंक सुं धिसिमिसिं पलाः बबस्वां थाहाॅ वै । खापा घाराङ्ग चायेकी । सॅ फंफं तयाः ल्हाःतिं हिभ्याःगु छुरा छपु ज्वनाः छम्ह मिसा क्वथाय् स्वाराःक दुहाॅ वइ । वया म्हय् वसः नं थातं दैमखु । व व हे हिभ्याःगु छुरा स्वस्वं न्हिली , वाक्कु वाक्कुछ्युं न्हिली । न्हिन्ह्यूं हे न न्याये थें हालाहै , ” धुन , स्याये धुन जिं । वयात स्याना हे बिया जिं ….जिं… । ”
थुलि नवानाः दुर्गालाल दाइ पक्क च्वन । वया ख्वाः स्वस्वं जि वाताहाॅ । गबायत जिं वयात स्वैच्वना । व नं चुपचाप । निम्हं सालिक थें । अले जिं हे नवाना , ” अले , अले छु जुइ ? सु व ? सुयात स्यानावःगु वं ?”
जिगु न्ह्यसः न्ह्यसः हे जुयाच्वन । वं लिसः मब्यू । होशय् वःम्ह थें पलख जायव अले वं धयाहल ,” शुरू थुकथं यानादिसॅ मथरादाइ । छपु स्यल्लाःगु प्याखं जुइ । अले लिपा गय् जुइ ? अनं लिपा छिं हे बिचाः यानादिसॅ। थुकथं हे न्ह्याकादिसॅ । च्वये फु छिं । ”
वया खॅ न्यनाः म्हाः धाये मफुत जिं । भचा घुरय् जुयाः थया , ” का जिउ । जिं च्वये । जिं च्वयेगु जुल । कन्हे , दुर्लाल दाइ , जि छिथाय् नाटक ज्वनाः हे जक वयेगु जुल । छपु पूवंगु छधाः प्याखं ।
बहनी जि च्वयेत फ्यतुना । च्वयावना । स्वम्ह पात्रत खात । छम्ह मिसा , निम्ह मिजं । बाचाजाबले व नाटक पूवन । कचि मिखां सुथसिया द्यः तुइतुइ धायवं जि ख्वाः छपाः सिलाः वयाथाय् हुत्तय् जुयाः वना ।वयात ब्वनाः न्यंका । वं ” जिल जिल । पायछि जुल ” धाल । नाटक पूवन । जिमिसं उकियात नां छुना …. मिलापू !!

सम्बन्धित पोस्ट
  • नेवार समाजमा महिला स्वतन्त्रता
  • महिला ‘सर्जन डाक्टर’ बन्न सक्दैनन् भन्ने धारणालाई चिर्दै डा.पलेस्वां जोशी
  • मां ……!
  • न्यव: !
  • प्रतिक्रिया दिनुहोस

    • भर्खरै
    • समाचार
    • लोकप्रिय

    नेवार समाजमा महिला स्वतन्त्रता

    महिला ‘सर्जन डाक्टर’ बन्न सक्दैनन् भन्ने धारणालाई चिर्दै डा.पलेस्वां जोशी

    महिला सशक्तिकरणको अवरोध विद्यमान पितृसत्तात्मक सोच

    मां ……!

    न्यव: !

    पूर्णिमाया “मतिनाया ख्वबि” विमोचन

    मातृभाषामा बोल्न पाइन्न ?

    नजिकबाट नियालियो मृत्युुलाई नाइल नजिकबाट !

    महिला सशक्तिकरणको अवरोध विद्यमान पितृसत्तात्मक सोच

    पूर्वी नेपालको बराह क्षेत्रमा नेवा: सामुदायिक भवनको उद्घाटन !

    निर्वाचन आयोगका ५ विकल्प : अध्यादेशदेखि नेकपा खारेजीसम्म

    लुम्बिनी सांस्कृतिक नगर पालिकाको छैठौं नगर सभा : कोरोना नियन्त्रणमा सहयोग गर्नेलाई सम्मान !

    बुंगद्यःया रथया बाँयम्वः व प्यम्ह नारायणद्यः भिंकेज्याया नितिं क्षमा पुजा !

    सुभाय् पोस्ट बिशेष

    नेवार समाजमा महिला स्वतन्त्रता

    महिला ‘सर्जन डाक्टर’ बन्न सक्दैनन् भन्ने धारणालाई चिर्दै डा.पलेस्वां जोशी

    मां ……!

    न्यव: !

    पूर्णिमाया “मतिनाया ख्वबि” विमोचन

    सुभाय् मिडिया प्रा.लि.

    ताम्सिपाखा , देयको , पुष्पलाल पथ काठमाडौं -१८

    ईमेल: subhaypost@gmail.com

    कार्यालय फोन- +977-१४२१५६४४

    स्थायी लेखा नम्बर- ६१२२८०१००

    सूचना विभाग दर्ता नम्बर: ४५८/०७४-७५

    सुभाय् पोस्टका लागि

    संचालक तथा कार्यकारी सम्पादक महर्जन रत्न

    सम्पादक विजयकृष्ण श्रेष्ठ, राजेन्द्र महर्जन

    फोटो सम्पादक नातिकाजी महर्जन

    ग्राफिक डिजाईनर हिसी ज्यापु

    मार्केटिङ निना

    © 2021: Subhay Post मा सार्बधिक सुरक्षित छ | बिज्ञापन | सम्पर्क | हाम्रो बारेमा Designed by: GOJI Solution
    ↑