पद्मरत्नलाई राष्ट्रिय विभूति घोषणा गरिनुपर्ने अधिकारकर्मीहरुको भनाई

काठमाडौं / १८औं शंखधर दिवसको अवसरमा न्हूदँ राष्ट्रिय समारोह समितिले मानवअधिकारवादी नेता पद्मरत्न तुलाधरको स्मृति सभाको आयोजना गरेको छ ।
कार्यक्रममा मानवअधिकारवादी नागरिक आन्दोलनका अगुवा श्याम श्रेष्ठले पद्मरत्नलााई राष्ट्रिय विभूति घोषणा गरिनुपर्ने माग गरे ।
‘अन्तर्राराष्ट्रिय जगतमै आदिवासी जनजाति आन्दोलनको साथै मानवअधिकरा क्षेत्रमा पद्मरत्नले पुयाएको योगदान अतुलनीय छ,’ श्रेष्ठले भने । ‘एक स्वच्छ छविका त्यागी नागरिक पद्मरत्नलाई सरकारले राष्ट्रिय विभूति घोषणा गर्नुपर्छ ।’
त्यस्तै अधिकारकर्मी साथै नेवाः आन्दोलनका अगुवा मल्ल के. सुन्दरले पद्मरत्नको बहुआयामिक व्यक्तित्वको चर्चा गर्दै पद्मरत्नंले शुरु गरेको आन्दोलन अझै जारी रहेको विचार राख्नुभयो ।
पद्मरत्नले शुरु गरेको नेपाल सम्वत न्हूदँको र्‍याली, उत्सवमात्र नभई एउटा आन्दोलन नै भएको मल्लको भनाई थियो ।
कार्यक्रममा गोविन्दमान श्रेष्ठ, डा. पुष्पराज राजकर्णिकार लगायतले नेपाल सम्वत् र पद्मरत्नको बारे चर्चा गरेका थिए ।
सोही कार्यक्रममा मल्ल के. सुन्दरबाट लिखित ‘विष्णुमतीइ शंखधरया लुँ’ (विष्णुमतीमा शंखधरको सुन) पुस्तकको पनि लोकार्पण गरिएको थियो ।
न्हूदँ राष्ट्रिय समारोह समितिले उक्त पुस्तकलाई नेपालभाषा, नेपाली र अंग्रेजी भाषामा प्रकाशन गरेको छ ।                         साभार:समाचार डेस्क