भयानक आगलागीमा परी नेपालीहरुको निधन भएकोमा नेवार समाज हङकङद्वारा गहिरो शोक व्यक्त !

हङकङ / हङकङमा भएको रेस्टुरेन्ट आगलागी घट्नामा ७ जना नेपालीको मृत्यु भएको घट्नालाई लिएर हङकङ नेवार समाजले गहिरो शोक ब्यक्त गरेको छ ।
नेवार समाज हङकङका अध्यक्ष रचना प्रधानले एक शोक वक्तव्य जारी गर्दै १५ नोभेम्बर आइतबार हङकङ जोर्डनको याउ मा ते मा अस्वाभाविक रूपमा भएको आगलागीमा परी ७ जना नेपालीहरु दिवंगत भएको घट्नाप्रति नेवार समाज हङकङले गहिरो शोक व्यक्त गरेको उल्लेख गरेको छ ।
उसले घट्नामा परि घाइते हुनेहरूको शीघ्र स्वास्थ्यलाभको कामना गरेको छ ।

रचना प्रधान
अध्यक्ष ,नेवार समाज हङकङ

अध्यक्ष प्रधानले सुभाय् पोस्ट संवाददातासँग कुराकानी गर्दै भने,
” यो निकै दुखद घट्ना हो । १५ नोभेम्बर २०२० का दिन जोर्डन स्थित हङकङमा भएको यस आगलागीमा परी दिवंगत हुनुभएका ७ जना नेपाली दाजुभाई दिदीबहिनीहरूमा भावपूर्ण श्रद्धाञ्जली अर्पण गर्दछु , साथै दुर्घटनामा परी घाईते हुनुहुने सबैको शिघ्र स्वास्थ्य लाभको कामना गर्दछु । नेपालीका नाताले हामी संस्थागत रुपले आवश्यक सहयोग गर्न पनि तयार छौं ।”
गत आइतबार जन्मदिन मनाउने क्रममा एक नेपाली रेस्टुरेन्टमा भयानक आगलागी भई ७ जनाको ज्यान गएको थियो भने १४ जना घाइते भएका थिए । यस घट्नापछि त्यहाँ निरीक्षण गर्न हङकङका प्रशासकीय प्रमुख समेत घट्नास्थल पुगेका थिए ।