आज: | Fri, 05, Jun, 2026

नेवाः कलाकारहरुद्वारा शंखधर साख्वाः अंकित झण्डोत्तोलन

सुभाय् संवाददाताNovember 12, 2020 मा प्रकाशित (५ साल अघि) अनुमानित पढ्ने समय : २६ मिनेट

विजयरत्न असंबरे

नेवाः कलाकारहरुद्वारा शंखधर साख्वाः अंकित झण्डोत्तोलन

काठमाडौं – नेपाल संवत्का प्रवर्तक राष्ट्रिय विभूति शंखधर साख्वाःको चित्र अंकित झण्डा अनावरण एवं झण्डोत्तोलन कार्यक्रम सम्पन्न भएको छ ।

नेपाल संवत् ११४१ को नववर्ष मनाउने कार्यक्रमअनुरुप आज बिहीबार एक समारोहबीच झण्डोत्तोलन कार्यक्रम गरिएको हो ।

ललितपुरको दरबार क्षेत्रमा अवस्थित तग्वः गं (ठूलोघण्ट)मा ललितपुर महानगरपालिका वडा नं. १६ का वडाध्यक्ष निर्मलरत्न शाक्यले शंखधर साख्वाः अंकित झण्डोत्तोलन गरेका हुन् ।

मंगलबजार अवस्थित ठूलो घण्टामा झण्डोत्तोलन कार्यक्रमपछि नेवार कलाकारहरुको टोली पुल्चोकस्थित शंखधर साख्वाःको प्रतिमामा झण्डा एवं फूलमाला अर्पण गर्न पुगेका थिए ।

त्यहाँबाट कलाकारहरुको टोली कीर्तिपुर, ललितपुरको सुनाकोठी, मध्यपुर थिमि र काठमाडौं लखुतीर्थस्थित राष्ट्रिय विभूति शंखधर साख्वाःको प्रतिमामा फूलमाला र झण्डा अर्पण गर्न पुगेका थिए ।