पुलांम्ह संगीतक:मि भीमबहादुर नक:मि मन्त ! अन्तिम संस्कार थौंं सुथय् बल्म्बुइ जुइगु!

यें / नेपा:या भजन संगीतया ज्व:मदुम्ह म्येच्वमि, संगीतक:मि, म्ये हालामि , बलंबु देसया गौरवकथं कयात:म्ह कलाकार भिम बहादुर नक:मि म्हिग: सनिलया च्याता: (८:००) इलय् गुइनिदँ (९२ वर्ष) बैंसय् आकाझाकां मदुगु दुखया खबर दु । त ।
वसकलया सीम्ह सिथं यनेगु व सी उइगु ज्या थौं मंगलवा: सुथयसिया गुता: (९:००) इलय् बलंबु दीपय् जुइ । मदुम्ह संगीतक:मि भिम बहादुर नक:मि नांजा:म्ह संगीतक:मि मनराजा नक:मिया अबु व नांजा:म्ह संकिपा नकिं आशिष्मा नक:मिया अजा ख: ।
मदुम्ह नकंमिं यक्व भजन च्वयेगु हालादीगु नं दु ।
वयक:या न्हूपुलांगु म्ये दुथ्या:गु “मयजुया सपतय्” अल्बम पिहां वयेत्यंगु खँ नं दुगु ख: ।
दिवंगत नक:मिया सुखावति भुवन बास लायेमा धका: कामना फ्वंसें दु:खया मलखं क:पिं सकल छेँज:पिंसं नुग: तयेफयेमा धका: सुभाय् पोस्ट डट कम पाखें बिचा: हायेका च्वना ।