वंशीधरया ‘ह्यांगु नांचाया जला’ पिदन

यें /हलिं न्यंकया काेविड १९ तःल्वय् (कोरोना भाइरस) या हुनी सकल सिगु स्वास्थ व सुरक्षायात बिचाःयासें पत्रकार, साहित्यकारपिं म्वःम्वः मनूत मुंकाः पितब्वज्या यायेमज्यूगु हुनिं फेसबुक मार्फतं ‘ह्यांगु नांचाया जला’ पितब्वज्या आइतवाः जूगु खः ।
अरनिको समाजया ग्वसालय् चीनय् पत्रकार, साहित्यकारपिन्त ब्वंगु इलय् चीन जला भ्रमणया झ्वलय् बरिष्ठ पत्रकार नापं साहित्यकार वंशीधर बज्राचार्यं अनया थीथी व्यक्तित्वपिं दथुइ जूगु गोष्ठी, सेमिनार, अन्तरक्रिया व सहलहस ब्वतिकासे एतिहासिक व सांस्कृतिक सम्पदा स्थल, चीनिया बस्ती, परम्परागत उद्योग आदि चाःहिला स्वयाः खंगु खँयात कयाः चीनिया जनजीवनया अनुभुती त यात्रा संस्मरण हे सफूया विषयवस्तु दयेकाः पिथनादीगु दु । थुगु सफुतिइ चीनया भौगोलिक, राजनैतिक, सांस्कृतिक नापं भाषिक बिषययात चीहाकलं न्ह्यब्वयेगु कुतःजूगु च्वमि बज्राचार्यया धापू दु ।
बुखँ : नेवाः सूचना केन्द्र