लाकांया संवाद -चिबाखं

नरेश अमात्य

ध्याकुंचाय वांछ्वया त:गु चप्पल व तिलिक्क तल्के जुगु इम्पोर्तेत लाकांया दथुइ सम्बाद जुया च्वन,
– इङलिस लवच वयका लाकमं धाल,
स्व नेताजुया सान हे जि जुया ब्युगु दु, छ नवचा थन छाय, सुना मखनी थासय सु हुं !
थत: अपमानित भाषा प्रयोग यागुलिं चप्पलं नवात,
थ्व हे चप्पल न्ह्याना ला नेताजुया थ्व सान सौकत दत,
जिं हे नेता जु यात थाय थासय यंका थ्व अबस्थाय थेंका ।
भचा जायका नेता पिहां वल,
थ: मालिक पिहां वय साथं चप्पल लय लय तातां मालिक्या न्ह्य:ने न्ह्य:ने वन,
नेतां भ्वाथगु चप्पल थ:गु न्ह्य:ने खनेवं भ्वाक्क छत्थु थ्वाना कुंचाय थेंका बिल, अले पाला पाला थिगु लाकां न्ह्याना गाडी पाखे स्वया वन !
भ्वाथ:गु चप्पलं मिखां ख्वबी वयकल
पाला पाला थिगु लाकां इति इति न्हिल !
••