पहिलो नेपाली छायाँकार बैकुण्ठ मास्केको कोरोनाका कारण निधन

छुकुबा एक्स्पो जापानमा फिल्म सल्लाहकारका रूपमा सन् १९८५मा

सन् १९७९ मा तालीमका क्रममा लन्डनमा

काठमाडौ / कोरोना संक्रमणका कारण नेपालि पहिलो छायाँकार बैकुण्ठमान मास्केको निधन भएको छ । कोरोनाका कारण उनको शुक्रबार ८३ वर्षको उमेरमा निधन भएको हो ।
गत आइतबार उनलाई कोरोना संक्रमण पुष्टि भएपछि निदान अस्पतालमा भर्ना गरिएको थियो । मृगौलाका बिरामी मास्केले लामो समयदेखि बनस्थलीस्थित मृगौला उपचार केन्द्रमा मृगौलाको उपचार गराइरहेका थिए । संभवत कोरोना संक्रमणबाट ज्यान गुमाउने मास्के पहिलो नेपाली चलचित्रकर्मी पनि हुनसक्छ ।       
२०२१ सालमा भारतको पुणास्थित भारतीय फिल्म प्राविधिक शिक्षालयबाट औपचारिक अध्ययन सकाएका मास्केले २०२७ सालमा रिलिज चलचित्र ‘परिवर्तन’बाट छायांकन यात्रा थालनी गरेका थिए । फिचर फिल्मखिच्ने मास्के पहिलो नेपाली छायांकार हुन् ।
उनले ‘मनको बाँध’, ‘पच्चीस बसन्त’लगायत २ दर्जनभन्दा बढी चलचित्रहरु छायांकन गरेका थिए । उनका एक श्रीमती र एक छोरी छन् ।
मास्केको पार्थिव शरीरको शुक्रबारै पशुपतिको विद्युतीय शवदाह​ गृहमा अन्तेष्टि गरिएको छ ।