कोरोना संक्रमणबाट कर्णाली प्रादेशिक अस्पतालमा कार्यरत प्रमुख कन्सल्टेन्ट डा. हरिप्रसाद सापकोटाको निधन

काठमाडौं / कर्णाली प्रादेशिक अस्पताल, कालागाउँ सुर्खेतमा कार्यरत प्रमुख कन्सल्टेन्ट अर्थोपेडिक्स सर्जन डा. हरिप्रसाद सापकोटाको कोरोना संक्रमणबाट गएको छ । मृतक डा सापकोटा उच्च रक्तचाप र मधुमेहका बिरामी थिए । कर्णाली प्रादेशिक अस्पतालले आज उनको स्वास्थ्य अवस्थाबारे विज्ञप्तिमार्फत् सो जानकारी गराएको छ । ५९ वर्षीय डा । सापकोटा यही भदौ २९ गतेदेखि सोही अस्पतालमा उपचाररत रहेकोमा श्वासप्रश्वासमा समस्या देखापरेपछि असोज १ गते अस्पतालको कोभिड विशेष आइसोलेसन वार्डमा भर्ना गरेर उपचार सुरु गरिएको थियो ।
उनले मधुमेह र उच्च रक्तचापको नियमित औषधि लिइरहनुभएता पनि अस्पतालमा भर्ना हुँदा उनको मधुमेह नियन्त्रणमा नरहेको अस्पतालले जनाएको छ ।

उपचारका सबै प्रयासका बावजुद पनि वहाँको फोक्सोमा सुरुमा निमोनिया गम्भीर भएर अक्सिजन स्याचुरेसन घट्दो अवस्थामा रहेकाले बिहीबार विहान ६ बजे र कृत्रिम श्वासप्रश्वास प्रणाली (मेकानिकल भेन्टिलेटरमा) मा राखिएको करिब १२ बजे मुटुको चाल बन्द हुँदा सीपिआर गरि ब्युताउन सफल भएता पनि दिउँसो ३ः३० उनको मृत्यु भएको जनाइएको छ ।
कोरोनाका कारण अस्पतालका प्रमुखको मृत्युले आम जनमानसलाई निकै आहट बनाएको छ ।