बाघको आक्रमणबाट चितवनमा एकजनाको मृत्यु

चितवन / भरतपुर महानगरपालिका–१३ स्थित वेलसर मध्यवर्ती सामुदायिक वनमा शनिबार बिहान बाघको आक्रमणबाट एक जनाको मृत्यु भएको छ।

चितवन राष्ट्रिय निकुञ्जका सूचना अधिकारी अशोक रामका अनुसार मृत्यु हुनेमा स्थानीय ६५ वर्षीय जगदीश चौधरी रहेका छन्।

घाँस काट्न गएका उनलाई शनिबार बिहान १०ः१५ बजे बाघले आक्रमण गरेको हो। शवलाई बाघले नछोडेपछि बाघलाई बेहोस बनाउन प्राविधिक टोली जाने तयारी गरेको उनले जानकारी दिए।
रासस