हराइरहेका ४ जना पनि मृत फेला, पहिरोले स्यान्जामा एकै घरका नौसहित दशको मृत्यु ,एक जनाको उद्धार

वालिङ / स्यान्जाको वालिङ नगरपालिका १४ तमादी र कालिगण्डकी गाउँपालिका ४ मा अबिरल बर्षाका कारण गएको पहिरोले पुरिएर १० जनाको मृत्यु भएको छ । हराइरहेका ४ जना पनि मृत अवस्थामा भेटिएपछि मृत्यु हुनेको संख्या १० पुफेको हो । एक जनाको उद्धार गरिएको थियो । ।
बिहिबार बर्षासगै आएको पहिरोले तमादीमा घर पुरिदा एकै घरका नौ जनाको मृत्यु भएको हो भने पहिरोले पुरिएर घाइते एक जनाको उद्धार गरिएको हो ।
पहिरोले पुरिएर २८ बर्षिय उमाकला नेपाली, ४८ बर्षिय माया नेपाली, ३० बर्षिय दिपक नेपाली, ६० बर्षिय सोनी नेपाली, नौ बर्षिय बिबश नेपाली, १९ बर्षिय विनिदा नेपाली, २१ बर्षिय कुलदीप नेपाली, १४ बर्षिय बिक्रम नेपाली र छ महिनाको नाम नखुलेको बालकको मृत्यु भएको बताइएको छ ।
घरका सबैको मृत्यु हुदाँ १६ बर्षिय मनिषा नेपालीलाई जिवीतै उद्धार गरिएको हो । घाइते मनिषाको गण्डकी मेडिकल कलेज पोखरामा उपचार भैरहेको बताउदै अधिकारीले घाइतेको अवस्था गम्भिर रहेको बताउनुभयो । मृत्यु भएकी उमाकला दिदी मायाँको घरमा पाहुना बस्न आउदाँ पहिरोले पुरेको हो ।
मृत्यु भएको छ महिने बालक पनि कस्को हो भन्ने नखुलेको र घरमा रहेका सबैको मृत्यु सगै बालकको अभिभावकको मृत्यु समेत भएको छ ।
बेलुका खाना आएर सगै सुतेका नेपाली परिवारको एक छोरी बाहेक सबैको एकै ठाउँमा मृत्यु भएको हो ।