काठमाडौं नजिक थाइ लगानीमा बृहत् मनोरञ्जनात्मक कम्प्लेक्स निर्माण गरिने

काठमाडौं / थाइल्यान्डको महाछाड इन्टरनेशनल कम्पनी लिमिटेडले काठमाडौं नजिक एउटा वृहत् मनोरञ्जन कम्प्लेक्सको निर्माण गर्ने भएको छ ।
ध्यान केन्द्र , जिम खानादेखि केबल कार, क्यासिनो, फाइव स्टार लक्जरी रिसोर्ट ,रेस्टुरेन्ट , कफी शप, चिया बगान समेत  उक्त पार्कभित्र रहनेछ ।
नेपाल पर्यटक दृष्टिकोणले आकर्षणको केन्द्र रहेको र यहाँ गुणस्तरका पर्यटकीय पूर्वाधार विकास गरि अन्तर्राष्ट्रियस्तरको गुणस्तरीय पर्यटक भित्र्याउन सकिने संस्थाले दाबी समेत गरेको छ ।
यसका निम्ति नैं यस किसिमको मनोरञ्जनात्मक       कम्प्लेक्स   निर्माण   गर्न लागेको   महाछाड इन्टरनेसनल कम्पनी लिमिटेड लागिपरेको कम्पनीका एक जिम्मेवार अधिकारीले बताए ।
काठमाडौं शहरबाट नजिक एक पहाडमा ७,००० रोपनी  (५०० हेक्टर ) भन्दा बढी क्षेत्रफलमा निर्माण हुने यस मनोरञ्जनात्मक कम्प्लेक्समा सबैभन्दा ठूलो आकर्षण त्यहाँ बनाइने १०८ फीटको बुद्ध मूर्ति हुनेछ ।
विश्वका शान्तिका अग्रदूत भगवान गौतम बुद्धको जन्मभूमी नेपालमा निर्माण गरिने पार्कमा भगवान बुद्धको भव्य मूर्ति र ध्यान केन्द्र समेत हामी बनाउने छौं । महाछाडका निम्ति नेपालमा कार्यरत एक सदस्यले बताए । उनले भने मनको शान्ति महत्त्वपूर्ण छ यस्ता पर्यटकहरूको रुचिलाई ध्यानमा राखी हामीले ध्यानकेन्द्रको परिकल्पना पनि गरेका छौं ।बुद्ध र ध्यान यी दुबै कुरा सँगसँगै आउँछ ।
लगानीको सवालमा उनले बताए अनुसार यसमा सबै लगानी थाइ लगानीकर्ताहरुको रहनेछ । पार्क निर्माणका प्रक्रियाहरु पूरा गर्दागर्दै कोरोना महामारीका कारण लकडाउन भएपछि हामी अलि पछाडि ढकेलिएका छौं । तर हामी काममा निरन्तरता दिनेछौं उनले भने ।
हामीले जग्गा पनि हेरिसकेका छौं र छिटै नैं सबैकुरा सार्वजनिक गर्नेछौं उनले बताए । भगवान गौतम बुद्धको जन्मभूमि प्राकृतिक र सांस्कृतिक सम्पदाको रमणीय देश नेपालमा यसप्रकारको मनोरञ्जनको कम्प्लेक्स बनाउन पाउनु हाम्रो लागि पनि गौरवको बिषय हो ।
यसलाई संचालनमा ल्याउने कार्यविधिसमेत तयार भइसकेको छ ।
पर्यटकहरुलाई सीधै एयरपोर्टबाट पिक अप गरि गाडी घोडाबग्गी वा हेलिकप्टरबाट सिधै मनोरञ्जनात्मक पार्क पुर्‍याउन व्यवस्था गरिने छ ।
यस  कम्प्लेक्सलेे नेपाली  युवाहरूलाई रोजगारी दिने छ । नेपालको पर्यटन क्षेत्रमा टेवा पुर्‍याउने लक्ष्य राखेको छ । यो नेपालकै निम्ति एक नमूना पर्यटकीय केन्द्र बन्ने समेत कंपनीका अधिकारीले बताएका छ्न् ।
देशमा फैलिरहेको कोरोना महामारी चाँडै नियन्त्रणमा आओस् र यस्ता केन्द्रहरू चाँडै निर्माण भई संचालनमा आओस् भन्ने हामी पनि कामना गरौं ।