ग्वाहालि !

केदार श्रेष्ठ                                                                        थ:थवय राजनैतिक द्वन्द्वया कारणं अस्थिर व अनिर्णयया बन्दी जुयाच्वंगु अवस्थाय ‘ख’ देशयात शक्तिशाली छिमेकी ‘क’ देशं संदेश छ्वल – छिमिगु देशया अस्थिरताया कारणं छिमिगु देया एयरपोर्ट जुया: आतंकवादीत दुहां वयाच्वंगु दु! उकिं छम्ह सच्चा छिमेकी व मित्र जूगुया कारणं आतंकवादीतयत पनेत व सुरक्षाया निम्ति छिमिगु एयरपोर्टय जिमिसं थ:गु सेना छ्वयाहयेत्यना!
छुं निर्णय कायेन्ह्यो हे ‘क’ देसं ‘ख’ देसय थ:गु सेना छ्वयाहल!
आ: ‘ख’ देशया एयरपोर्ट पूर्ण रुपं ‘क’ देशया सेनाया कब्जाय लात! न त ‘ख’ देशया सरकारं हे विरोध यायेफत, न त जनतां हे!
छन्हु ‘क’ देशं वक्तव्य पित बिल – जिमिगु सेनाया कारणं ‘ख’ देशय आतंकवादीया प्रवेश पूर्ण रुपं बन्द जूगु दु, नापं ‘ख’ देशय पूर्ण शान्ति-सुरक्षा नं कायम जूगु दु!                                       story cover Photo/Vit Simanek