काठमाडौं उपत्यकामा अत्यावश्यक बाहेक सबै सेवा बन्द गरिने

काठमाडौं / कोरोना भाइरस संक्रमण दर बढ्दै गएपछि काठमाडौ उपत्यकाभित्रका नगर पालिकाहरुले अत्यावश्यक बाहेक अन्य सेवा १५ दिनका लागि बन्द गर्ने निर्णय गरेका छन्। सोमबार बसेको नगरपालिकाका मेयरहरुको संगठन ‘नगरपालिका मेयर फोरमले अत्यावश्यक बाहेक अन्य सेवा बन्द गर्ने निर्णय गरेका हुन् ।
उपत्यकाभित्र कोरोना संक्रमण बढ्दै गएपछि समुदाय स्तरमा संक्रमण जोखिम उच्च रहेको तथ्यलाई मध्यनजर गरि स्थानीय सरकारबाट अत्यावश्यक सेवा बाहेक अन्य सेवा प्रवाहलाई १५ दिनको लागि बन्द गर्ने बैठकको निर्णयमा उल्लेख छ। त्यस्तै उपत्यका संक्रमणको उच्च जोखिमयुक्त रहेको देखिएकोले अनाधिकृत रुपमा उपत्यका प्रवेश गरेका निर्माण कार्यका मजदुर, ठेलागाडा, साइकल, फुटपाथ, तरकारी व्यापार गर्न आएकाहरु बढी देखिएको हुँदा तरकारी व्यापारलाई साँझ विहान मात्र सिमित गरी निर्माण कार्य, फुटपाथ, ठेलागाडा, साईकलमार्फत गरिने व्यापारलाई भाद्र १५ गतेसम्मको लागि निषेध गर्ने बैठकले निर्णय गरेको छ।
सार्वजनिक यातायात चलेपछि संक्रमण ह्वात्तै बढेको कारण सार्वजनिक यातायात सञ्चालनमा भाद्र १५ गतेसम्म पुनः रोक लगाउनुपर्ने तथा निजि सवारीमा जोर विजोर तत्काल लागु गर्नुपर्ने बैठकले निर्णय गरेको छ।
‘उपत्यकामा समूदाय स्तरमा कोभिड-१९ को संक्रमण जानसक्ने खतरालाई ध्यानमा राखी सरकारको समर्थन वा विरोधमा र्‍याली, जुलुस लगायतका गतिविधि गर्न निषेध गरिनुपर्ने तथा हुलमूल हुने जात्रा पर्व, सांस्कृतिक गतिविधि सञ्चालनमा पनि रोक लगाउन निर्णय गरिएको छ ।
यसभन्दा अगाडि काठमाडौं महानगर पालिकाका मेयरहरुले काठमाडौं उपत्यकाका प्रवेश नाका समेत सिल गर्नुपर्ने सुझाव सिसिएमसीलाई दिइसकेको छ ।

काठमाडौं उपत्यका नगर पालिका फोरमका निर्णयहरु :