९ चिकित्सक स्वास्थ्यकर्मी संक्रमित भएपछि कर्णाली प्रदेश अस्पतालको आकस्मिक सेवा बाहेक सबै बन्द

सुर्खेत / ९ जना स्वास्थ्यकर्मीमा कोरोना भाइरसको संक्रमण भएपछि कर्णाली प्रदेशको राजधानी वीरेन्द्रनगर, सुर्खेत स्थित प्रदेश अस्पतालले आकस्मिक सेवा बाहेक अन्य सबै सेवा बन्द गरेको छ
बिहिबार अस्पतालमा कार्यरत ९ जना चिकित्सक तथा स्वास्थ्यकर्मीमा कोरोना संक्रमण भएको पुष्टि भएपछि अस्पतालले सूचना नैं टाँसेर अन्य सेवा बन्द गरेको जनाएको छ ।
चिकित्सक तथा स्वास्थ्यकर्मीमा कोरोना संक्रमण देखिएपछि सेवा लिन आउने सेवाग्राहीलाई संक्रमण नफैलियोस भनेर केही दिनका लागि सेवा गरिएको अस्पतालका निर्देशक डम्बर खड्काले सार्वजनिक गरेको प्रस विज्ञप्तीमा भनिएको छ । ‘केही दिनका लागि आकस्मिक बाहेकका अन्य सेवा बन्द गरिएको छ ।’ विज्ञप्तीमा भनिएको छ, ‘कोरोना संक्रमणको फैलावट हेरेर अस्पताल पुनः संचालनमा आउनेछ ।’

कोरोना संक्रमण पुष्टि भएका स्वास्थ्यकर्मीको उपचार भैरहेको बताएको अस्पतालले पछिल्लो समय सेवा बन्द हुँदा सर्वसाधारणमा पर्ने असुविधाप्रति क्षमा याचना समेत गरेको छ ।
(नेपालबोटको सहयोगमा)