दुवईबाट १६९ तथा म्यान्मारबाट २६ जना नेपाली काठमाडौं पुगे

काठमाडौँ /बिदेशी भूमिमा कार्यरत १ सय ६९ जना नेपालीहरु दुबईबाट आज काठमाडौं आइपुगेको छ । उनीहरूलाई नेपाली सेनाले होल्डिङ सेन्टर लगेको छ।
नेपालीहरु कार्यरत रहेका मुलुकहरूले आफैले विभिन्न कारणले अलपत्र कामदारलाई स्वदेश फर्काउन थालेका हुन्। यसैबीच नेपाल फर्काउने क्रममा बिमानको भाडा कसले तिर्ने विषयमा पनि समस्या आएको समाचार आएको थियो ।नेपाल सरकारले पनि फ्लाइट चार्टर्ड गरेर बिदेशमा अलपत्र परेका नेपालीहरुलाई फर्काउने तयारी गरिरहेको पनि बताइएको छ।
आज शुक्रबार दुबईबाट नेपाल आउनेहरू एयर अरेबियाको विमानबाट साँझ काठमाडौं आइपुगेका हुन्। उनीहरुलाई होल्डिङ सेन्टरमा आवश्यक स्वास्थ्य जाँच पश्चात क्वारेन्टिनमा पठाइने छ।
काठमाडौंको त्रिभुवन अन्तर्राष्ट्रिय विमानस्थलबाट प्रदेश अनुसार छुट्टाछुट्टै बसको व्यवस्था गरेर उनीहरुलाई लैजाने काम भएको हो ।
यसैबीच म्यान्मारबाट २६ जना नेपाली काठमाडौं पुगेको छन् । उनीहरूलाई पनि सेनाले होल्डिङ सेन्टरमा राखेको छ । उनीहरू म्यान्मारमै पिसिआर टेस्ट गराइसकेका र सबैको रिपोर्ट नेगेटिभ आएका हुन् ।