कोरोना संक्रमित क्षेत्रमा सेना परिचालनको निर्णय, हवाई उडान असार १६ सम्म बन्द

काठमाडौँ / सरकारले कोरोना प्रभावित क्षेत्रमा सेना परिचालन गर्ने निर्णय गरेको छ।
मन्त्रिपरिषद्को शनिबारको बैठकले कोरोना प्रभावित क्षेत्रमा सेना परिचालन गर्ने निर्णय गरेको हो।
त्यस्तै, सरकारले लकडाउन जेठ ३२ गतेसम्म लम्ब्याउने निर्णय गरेको मन्त्री हृदयेश त्रिपाठीले जानकारी दिए।
सरकारले सीमा नाका र हवाई उडान असार १६ गतेसम्म बन्द गर्ने निर्णय पनि गरेको छ।
कोरोना संक्रमणका कारण अहिलेसम्म नेपालमा ७ जनाको ज्यान गइसकेको छ भने शनिबारसम्म १४०१ जना संक्रमित भइसकेका छन्।