काठमाडौं उपत्यका प्रवेश गर्ने सबै नाका सिल

काठमाडौं उपत्यकाका सबै प्रवेश नाकाहरु सिल गर्ने निर्णय गृह मन्त्रालयले गरेको छ ।
जेठ १ गते भएको गृहमन्त्री राम बहादुर थापा बादलको अध्यक्षतामा काठमाडौं महानगर पालिकाका मेयर विद्या सुन्दर शाक्य , ललितपुर महानगर पालिकाका मेयर चिरी बाबू महर्जन , गृह सचिव , काठमाडौं जिल्लाका प्रमुख अधिकारी , सुरक्षा निकायका प्रतिनिधिहरु लगायतको उपस्थितिमा भएको बैठकमा उपत्यका नगर पालिका संघ द्वारा उपत्यकाका प्रवेश नाकाहरु सिल गर्नसहितका मागहरु गृहमत्री समक्ष राखेको थियो ।
उक्त बैठकमा छलफल भएका बुँदाहरु कार्यान्वयन गर्न गृहले हिजो बुधबार एक परिपत्र जारी गर्दै उपत्यकाका सबै स्थानीय निकायलाई अनुरोध गरेको छ ।
यस अनुसार अब काठमाडौं उपत्यका प्रवेश निषेध गरिएको छ ।बाहिरबाट विभिन्न बहाना बनाई काठमाडौं प्रवेश गरेकाहरुका कारण काठमाडौंमा कोरोना संक्रमण देखिएको र उपत्यका ठूलो जनघनत्व रहेको सहर भएको हुँदा यहाँ संक्रमण फैलिए गम्भीर परिणाम भोग्नुपर्ने अबस्था रहेको हुँदा अत्यावश्यक सामानका साधन बाहेक अरु कुनै पनि सवारीलाई उपत्यका प्रवेश पूर्णरूपमा निषेध गरिएको हो। प्रवेश नाका सिल गर्नुका साथै लुकिछिपी आउने बाटोमा समेत पूर्ण रुपमा प्रवेश रोक्न गृहले स्थानीय निकायलाई कार्यन्वयनको लागि भनेको छ ।

अति जरुरी कामले काठमाडौं उपत्यका प्रवेश गर्नुपर्नेले प्रवेेस अगाडि आफ्नै खर्चमा कम से कम आरडीटी टेस्ट गरेर कोरोना नभएको पुष्टि भएपछि काठमाडौमा प्रवेशको निम्ति निवेदन गर्नुपर्ने छ ।
त्यसैगरी काठमाडौं प्रवेश गर्ने गाडीको प्रवेश बिन्दु पुग्नु पूर्व नैं प्रस्थान जिल्लामा नैं सुरक्षा निकायले विशेष निगरानीका साथ रोक्ने र आवागमनमा कडाइ गर्ने भएको छ ।
काठमाडौं उपत्यकामा लुकिछिपी प्रवेश गर्नेहरुको खोजी खोजी लगत संकलन र कारबाही अगाडि बढाउन स्थानीय निकायलाई अधिकार दिएको छ र सो कार्य अगाडि बाढाउन निर्देशन समेत जारी गरिएको छ ।
यसका साथ राहत लगायत क्वारेन्टाइनका सवालमा पनि कार्यान्वयन गर्नुपर्ने बुँदाहरु बारे कार्यान्वयनको निम्ति गृहले उपत्यकाका सबै निकायलाई परिपत्र गरिएको छ । ढिलै भएपनि आएको यी कुराहरूलाई उपत्यकाबासीले सकारात्मक रुपमा लिएको छ ।
यसभन्दा अगाडि बैशाख २१ गते अरु सहकर्मी मिडियाहरुको सहकार्यमा सुभाय् पोस्ट अन्लाईनले काठमाडौं उपत्यकामा दिनमा दुई हजारभन्दा बढी मानिस संक्रमित क्षेत्रबाट समेत लकडाउनको बेला काठमाडौं उपत्यकामा अबैध रुपले समेत प्रवेश गरिरहेको र यस कार्य कोरोना संक्रमणका दृष्टिकोणले खतरापूर्ण हुन सक्ने भनी समाचार प्रकाशन गरी सम्बन्धित निकायको ध्यानाकर्षण समेत गरेको थियो ।