लुम्बिनीको कंचन गाँउपालिका र गैडहवा गाँउ पालिका पनि सिल

बिन्दु कुमार चौहान,सु्भाय् पोस्ट संवादाता लुम्बिनी 
लुम्बिनी २ जेठ । एघारा जना पुरुष कोरोना संक्रमित भेटिए पछि लुम्बिनी साास्कृतिक नगरपालिकामा अनिश्चितकालीन नाकाबन्दी चलिरहेकै बेला रुपन्देहीको गैडहवा तथा कंचन गाँउपालिका लाई शील गरिएको छ ।
जिल्लाको गैडहवा गाँउपालिकामा १० जना कोरोना संक्रमित भेटिए लगत्तै एकै साथ गैडहवा तथा कंचन गाँउपालिका द्वारा नाकाबन्दी गरिएको हो ।
गैडहवा गाँउपालिकामा नाकाबन्दीलाई पूर्ण परिपालना गराउन सबै नाका थुनेर जनता स्वयंसेवकको रुपमा खटेर प्रहरी सँगै पहरा दिन थालेको गैडहवा गाँउपालिका अध्यक्ष बच्चुलाल केवटले जानकारी गराए ।
त्यसै गरि कंचन गाँउपालिकाको ५० वटा नाकामा आठ जनाको दरले जनस्वयंसेवक परिचलन गरि पश्चिम कपिलबस्तु पूर्बसैनामैना दक्षिण गैडहवा गाँउपालिकाबाट आवत जावत पूर्ण रुपमा ठप्प पारिएको कंचन गाँउपालिका अध्यक्ष गोकर्ण क्षेत्रीले बताए ।
बिश्वब्यापी महामारी कोरोना भाईरस ( कोभिड १९ ) रोकथाम तथा नियन्त्रण प्रति पछिल्लो समयमा जनता जागरुक भई स्वतःस्र्फुत ढंगबाट बाटो नै थुनेर गाँउगाँउमा जनता कर्फयु लगाएको खबर छ ।