काठमाडौंमा लकडाउनमा थप कडाइ गरिने , बाहिर निस्किनेलाई पक्राउ गरिने

काठमाडौं/ काठमाडौंमा लकडाउन कडा गरिने र गल्लीमा हिंड्नेलाई समेत कारबाही गरिने कुरा समाचारमा आएको छ ।
दश दिन अगाडि काठमाडौं सुरक्षित महसुस गरेको थियो ।तर कसलाई थाहा विभिन्न बहाना बनाई हजारौं मानिसहरु काठमाडौं छिरे तीमध्ये केहिले कोरोना पनि सँगै बोकेर आए ।
लक्डाउन खुकुलो बनाउनु र संक्रमित देखिनु संयोग मात्र हैन रहेछ भन्ने बुझियो । उपत्यकाबासीले यस्तो सूचना पाउनासाथ सरकारसँग बाहिरबाट आउनेल्लाई रोक्न माग गरेको थियो बेवास्ता गरियो एक दिनमा सयभन्दा बढी बस यात्रु बोकेर नागढुंगा क्रस गरेको खबरले सबैलाई झस्काएको थियो ।यसपछि लगातार काठमाडौंमा संक्रमितको संख्या बढिरहेको छ ।
यसरी संक्रमितको संख्यामा एकाएक बृद्धि भएपछि जिल्ला प्रशासन कार्यालय, काठमाडौंले लकडाउन कार्यान्वयमा थप कडाइ गर्ने नीति अख्तियार गरेको छ।
प्रशासनले अब विभिन्न बहानामा भित्री सडक तथा गल्लीमा निस्किने व्यक्तिलाई पनि पक्राउ गर्ने निर्णय गरेको छ। गृह मन्त्रलायबाट प्राप्त निर्देशनअनुसार, शुक्रबार दिउँसो बसेको जिल्ला सुरक्षा समितिको बैठकले मानिसको अनावश्यक भीड नियन्त्रण गर्न यो नियम लागू गर्ने निर्णय गरेको प्रशासकीय अधिकृत मानबहादुर बुढाले जानकारी गराएका छन्। यसअघि काठमाडौंका मूल सडकलाई प्राथमिकतामा राखेर प्रहरी लकडाउन कार्यान्वयमा खटिएको थियो।
प्रशासनले यसअघि जारी भएका सबै ई–पास र पहेँलो रङको पास पनि खारेज भएको जनाएको छ। उसले एक सूचना जारी गरी नयाँ जारी हुने पास नीलो रङको हुने जनाएएको छ। सूचनामा अत्यावश्यक अवस्थामा हिँड्ने गह्रौं सवारीसाधनलाई बेलुकी ८ बजेदेखि बिहान ६ बजेभित्र मात्र हिँड्न दिने पनि भनेको छ भने एम्बुलेन्स, शव बाहन, औषधि तथा स्वास्थ्य सामग्री, पेट्रोलियम पदार्थ, ग्यास, सबै खाद्य वस्तु, तरकारी तथा फलफूललगायतका सामग्री बोकिएका गाडीले भने बिना पास नै आवागमन गर्न पाउने पनि उल्लेख गरिएको छ ।
यसैबीच संक्रमित बढेपछि काठमाडौंको चन्द्रागिरी नगर पालिका क्षेत्र आज शनिबारदेखि सिल गरिएको छ ।