भगवान बुद्धको जन्मस्थल लुम्बिनीमा कोरोना कहर ,लुम्बिनी साँस्कृतिक नगरपालिका शिल

मडारियो बिपत्तीको बादल,स्थानीय सरकारद्वारा नाकाबन्दीको घोषणा

बिन्दु कुमार चौहान
लुम्बिनी ३० बैशाख / सधै शान्तिको ध्वनि गुञ्जिरहने बिश्वशान्तिका अग्रदूत महामानव भगवान बुद्धको जन्मस्थल लुम्बिनीमाथि बिपत्तीको बादल मडारिएको आभाष गरिएको छ । यस क्षेत्रमा एकाएक ११ जना पुरुषहरु कोरोना संक्रमित फेला पारिएको राष्ट्रिय जन स्वास्थ्य प्रतिष्ठान काठमाडौद्वारा पुष्टि को छ । बिश्वशान्तिको आस्थाकेन्द्र लुम्बिनीमा पनि कोरोना कहर ढाएको छ ।
तथ्याँक अनुसार लुम्बिनी साँस्कृतिक नगरपालिका वडा नं. २, ३,४,७, ११ र १३मा १७ बर्ष देखि ५० बर्षसम्मका ११ जना पुरुषहरुमा कारोना भाईरस संक्रमण फेला परेको उक्त नगरपालिका स्वास्थ्य संयोजक ध्रुव घिमिरेले जानकारी दिए ।
उनले लुम्बिनी बौद्ध बिश्व बिद्यालयको छात्रावासको क्वारेनटाईनमा दुईजना पुरुष तथा श्रीलंंका गेष्टहाउसको क्वारेनटाईनमा नौजना कोरोना संक्रमित भेटिएपछि लुम्बिनीबासी कोरोना कहरबाट त्रसित भएको बताए ।
यसैगरी कोरोना कहरको बिपत्तीबाट जोगिन आज मंगलबार राति नौ बजेदेखि अर्को आदेश नभएसम्मका लागि पूरै लुम्बिनी साँस्कृतिक नगरपालिकालाई शिल गरिएको स्थानीय सरकार प्रमुख मनमोहन चौधरीले घोषणा गरेका छन् ।
@जआजै राथि नौ बजेदेखि लागू हने आपतकालमा बिहान नौ बजेदेखि दिउँसो १२ बजेसम्म खाद्यान्न पसल बाहेक अरु सरसामान खरीद बिक्रीमा रोक लगाएको छ ।
नाकाबन्दीका बेला अति आवश्यक सवारीसाधन बाहेक पैदल यात्री समेत हिडडुल गर्न सख्त मनाही गरिएको छ । लकडाउन उलंघन गर्ने जो सुकैमाथि कारवाही हुने स्थानीय सरकार प्रमुख चौधरीले चेतावनी समेत दिएका छन ।
नगर क्षेत्र बाहिरबाट पनि आवागमनमा पूर्ण रुपमा नाकाबन्दी गरिएकोले त्यसको पालना गर्न गराउन स्थानीय सरकार प्रमुख चौधरीले सार्बजनिक रुपमा अपील समेत गरेका छन् । यसैगरी जिल्लाकै मर्चवार क्षेत्र सम्मरीमाई गाँउपालिकामा चार जना पुरुषमा कोरोना संक्रमणको पुष्टि भए पछि आज बिहान देखि वडा नं. ४ र ७ का पूरै गाँउहरु शिल गरि आवतजावतमा पूर्ण रुपमा प्रतिबन्ध लगाइएको छ ।