शताब्दीपुरुष सत्यमाेहन जाेशीया १०१ दँ बुन्हि हन

येँ- शताब्दीपुरुष सत्यमाेहन जाेशीया १०१ दँ बुन्हि थाैं वय्कःया छेँय् नेवाः परम्पराकथं ख्येँ सगं बियाः हंगु दु । वय्कःया बुन्हिया लसताय् थाैं हे वय्कःया छेँ बखुंबहालय् नामसंगीति पाठ नं जूगु दु ।
वय्क थाैं सच्छिदँ फुनाः सच्छि व छदँय् क्यंगु खः । बुन्हिया लसताय् वय्कःया छेँय् थीथी संघसंस्थाया प्रतिनिधि, व्यक्तित्वपिं वयाः भिंतुना देछायादीगु खः । वय्कःयात भिंतुना देछासें यल महानगरपालिकाया मेयर चिरीबाबु महर्जनं थुगुसि काेराेना भाइरसया कारणं तःजिक बुन्हि हनेमफुगु खँ धयादिसें वय्कःया शताब्दी दँया समापन ज्याझ्वः लिपा यायेगु जानकारी बियादीगु खः । वय्कः सच्छि दँय् क्यंगु लसताय् महानगरपालिकां दच्छियंकं थीथी ज्याझ्वः यानावयाच्वंगु खः ।

थ्व झ्वलय् वय्कलं लकडाउन सिधयेवं भाजु जाेशीया किपा तयाः हुलाक टिकट पिहां वइगु जानकारी नं वय्कःयात बियादीगु खः ।वय्कलं धयादील, `संचार सचिवं फाेन याना लकडाउन सिधयेवं हुलाक टिकट पिकायेगु छितः धयाबीत धयादीगु दु ।´

साभार:नेभाटा