बुद्ध जयन्तीको पूर्व सन्ध्यामा लुम्बिनीमा दीपावली

लुम्बिनी / शान्तिका अग्रदूत भगवान गौतम बुद्धको जन्मभूमि लुम्बिनीमा बुद्ध जयन्तीको पूर्व सन्ध्यामा दीपावली गरिएको छ ।
यसपटक कोरोना भाइरस महामारीका कारण देश लकडाउनमा रहेको अवस्थामा लुम्बिनी बिकास कोषले लुम्बिनीमा गरिने बुद्ध जयन्तीका सबै कार्यक्रम रद्द गरि कोषका सदस्यहरु बसेर दीपावली गरि सामान्य रुपले बुद्ध जयन्ती मनाउने बताएको थियो ।
दीपावलीका बेला गौतमी बिहारका गुरुमांहरुले त्रिपिटकका गाथाहरु पाठ गरेका थिए ।
बैशाख पुर्णिमा भगवान बुद्धको जन्म , बोधिज्ञान लाभ र महापरिनिर्वाण प्राप्तिको त्रिसंयोगको दिनको रूपमा लिइन्छ ।यस दिन संयुक्त राष्ट्र संघले समेत बुद्ध जयन्ततीको उपलक्ष्यमा बिदा दिइन्छ ।