थप दुई जनामा कोरोना पुष्टि, संक्रमित संख्या ५१

काठमाडौं/  कोभिड–१९ को संक्रमण थप दुईजनामा पुष्टि भएको छ । स्वास्थ्य तथा जनसंख्या मन्त्रालयका अनुसार प्रदेश २ को बिरगंजमा थप दुईजनामा कोरोनाभाइरसको संक्रमणको पुष्टि भएको हो ।
मन्त्रालयका सहप्रवक्ता डा. समिरकुमार अधिकारीले बिरगंजका दुईजना पुरुषमा संक्रमणको पुष्टि भएको जानकारी दिएका छन । उनका अनुसार दुबैजना संक्रमित ५० वर्षीय पुरुष हुन । दुईजना संक्रमित थपिएसँगै नेपालमा कोभिड–१९ को संक्रमितको संख्या ५१ पुगेको छ ।
मन्त्रालयका सहप्रवक्ता डा. अधिकारीले दुबैजना अस्पतालमा आइसोलेशनमा रहेको बताए । दुबैजनाको राष्ट्रिय जनस्वास्थ्य प्रयोगशालामा परीक्षण गरिएपछि संक्रमणको पुष्टि भएको छ ।

शनिबार मात्रै बिरगंजका चारजना संक्रमितमा तेस्रोपटक परीक्षण गरेपछि प्रतिवेदनमा कोभिड–१९ को संक्रमण निगेटिभ आएपछि अस्पतालबाट घर फर्काइएको थियो ।