काठमाडौं महानगरको शुभकामना – कोरोनासँग लड्न साहस र हौसला प्रदान होस् भन्ने कामना

काठमाडौं / काठमाडौं महानगर पालिकाले विक्रम संवत् २०७७ सालको नव वर्षको शुभकामना व्यक्त गर्दै नगरबासीहरुमा कोरोनासँग लड्न साहस र हौसला प्रदान होस् भन्ने कामना गरेको छ ।साथै उसले विश्वको महामारी कोरोनाबाट चाँडै मुक्त हुन सकौं भनी कामना पनि व्यक्त गरेको छ ।
सामान्य अवस्थामा जस्तो गरि नयाँ वर्ष भव्य रुप,नमनाउन अनुरोध गर्दै मेयर विद्या सुन्दर शाक्यले “अहिले हामी लकडाउनको अवस्थामा बसेर कोरोना भाइरस विरुद्ध संघर्ष गर्दैछौं । त्यसैले घरभित्र बसी नयाँ वर्ष सामान्य तवरले मनाउन अनुरोध गर्दछु” भनेका छन् । महानगरले यस अवस्थामा राहत वितरण , सरसफाइ ,कीटनाशक औषधि छर्ने काम गर्दै आएको भन्दै उनले केही व्यक्तिहरु हिंडेर गाउँ फर्कँदै गरेको समाचार आएको र त्यसो नगर्न आग्रह गर्दै कुनै समस्या भए संबंधित वडामा सम्पर्क गर्न पनि अनुरोध गरे ।

सामाजिक दुरी कायम गरि लजडाउनको अवधिमा घरमा बसी कोरोना संक्रमित हुनबाट आफू पनि बच्न र अरुलाई पनि बचाउन उनले अनुरोध गरे ।