“धेबाया नितिंं मखु याउँक जीवन हनेत बुँज्या “- राजदास श्रेष्ठ

सक्वया छम्ह प्रतिष्ठित व्यक्तित्व ख: वयक: । थौकन्हय् बुँ बाल कया: अर्गानिक फार्मिङ यानाच्वनादीगु दु । बुइँ तरकारी बुयाच्वंगु दु । गलय् च्वलेचा दु । पुखुलिइ पलेस्वां ह्वयाच्वंगु दु ।
सक्व देशं भचा जक पिने लागू थ्व बुइँ वयकलं छगु हल नापं दुगु बलचा दयेका त:गु दु गन महाकवि गिरिजाप्रसाद जोशीया बाम्हया झ्वाता (शालिक) नं दु । वयक:या दिनचर्या थन हे बिनाच्वंगु दु । इन्जिनियर जुया: विश्वया यक्व देशय् ज्या याना वये धुंकुम्ह वयक थ:गु जन्मभुमि सक्व देशय् जीवनया थ्व ई छ्यानाच्वनादीगु दु । पलेस्वांया शौखिन खनेदु वयक: ।
बुँज्या धेबाया लागि जक मखु याउँक जीवन हनेत नं ख: वयकलं धयादी ।
नेपाल भाषा ख्यलय् नं उतिकं सक्रिय वयक: । वयक:या छें भाषा साहित्य अध्ययन याइपिनिनितिंं छगू पुस्तकालय नं ख: ।

थन वयक:या छ्पु चिनाखँ ब्वयाच्वना

धेवाया लागि मखु थ्व याना: ज्या
आनन्दं जीवन हनेत जक
फुसा धेवा बिया: यंका: दिसँ
मखुसा सुवा: जित बिया दिसँ
सुवा: नँ खः थ्व जीवन हनेत
मा:गु छता आन्नद रस