संघीय सरकारद्वारा प्रदेश सरकारको दबाबपछि निर्णय फिर्ता ,भोलि र पर्सि उपत्यका बाहिर जान नदिइने

काठमाडौं / काठमाडौं लकडाउनको बेला काठमाडौं उपत्यकाका आप्रवासीहरु जो उपत्यका बाहिर जान चाहन्छन् ऊनीहरुलाई गाउँ जान दिने निर्णय गरेको डेढ घन्टामा सरकार पछि हटेको छ । प्रदेश सरकारहरुले विरोध गरेपछि संघीय सरकारले उक्त निर्णय फिर्ता लिएको छ ।
कोरोना भाइरस -कोभिड-१९को सक्रमण फैलिन नदिन सरकारले ११ चैतदेखि लकडाउन गरेको छ । लकडाउन वैशाख ३ सम्म लम्बिएपछि मानिसहरु हिँडेर समेत घर जान थालेका छन् । त्यसलाई हेरेर सरकारले उपत्यकाबाट गाउँ जान दिने तयारी गरेको थियो ।
उपप्रधान तथा रक्षामन्त्री ईश्वर पोखरेलले सरोकारबाला मन्त्रीहरुलाई बोलाएर उपत्यकामा रोकिएकाहरुलाई भोलि र पर्सि बाहिर जान दिन निर्देशन दिए । कसरी जान दिने भन्ने गृहकार्य गर्न गृह सचिवलाई भनिएको थियो ।
तर प्रदेश सरकारहरुले विरोध गरे ।
त्यसैगरी यातायात व्यवसायीहरुले पनि भोलि र पर्सि पठाउन सम्भव नभएको बताएको र यसरी सरकार आफ्नो निर्णयबाट पछि हट्नु परेको हो ।