आइसियुमा उपचाररत छन् बेलायती प्रम

अस्पताल भर्ना भएका बेलायती प्रधानमन्त्रीले बोरिस जोन्सनको स्वास्थ्यस्थिती खराब भएपछि उनलाई सघन उपचार केन्द्र ICU मा राखिएको छ । उनलाई अक्सिजन दिइएको छ ।
डाक्टरको सल्लाह अनुसार राम्रो उपचार गर्न उहाँलाई आइसियुमा राखिएको कुरा उनका प्रवक्ताले बताएका छ्न् ।
उनको स्वास्थ स्थिति बारे अझै पूर्ण रूपमा खुलाइएको छैन ।उनको शरीरमा अक्सिजनको मात्रा बढाइ राख्न यसरी आइसियुमा राखी उपचार गरिएको भन्ने कुरा पनि बाहिर आएको छ ।
तर उनलाई भेण्टिलेटरमा भने राखिएको छैन ।
उनले आफू केही परिक्षणको निम्ति अस्पताल भर्ना भएको र सामान्य अवस्थामा रहेको भनी सोमबार बिहान ट्वीट पनि गरेका छ्न् ।
५५ वर्षीय जोन्सन विश्वका पहिलो कोरोना संक्रमित सरकार प्रमुख हुन् । उनी हिजो आइतबार अस्पताल भर्ना भएका थिए ।