विश्वव्यापी महामारीकथं वयाच्वंगु कोरोनायात कया: सचेतनाया नितिंं देय् दबूया च्यूता:

यें/ विश्वन्यंकं न्यनावंगु कोरोना महामारीयात कया: नेवाः देय् दबुलिं च्यूता प्वंकुगु दु । दबूया  केन्द्रीय ज्याकु पुष्पलाल पथ, तपिंतां कोरोना भाइरसपाखें सचेत जुइया नितिं च्यूता क्यंसें छगू विज्ञप्ति पित जारी या:गु दु ।
चैत्र ६ गते बिहिवाःथुकथं देेेय् दबूूूलिंं पितब्युगु विज्ञप्तिइ नेपालय् हलिंन्यंकं महामारी कथं न्यनाः वयाच्वंगु कोरोना भाइरस संक्रमण व जोखिम नियन्त्रणया नितिं न्ह्यवः तयारी नापनापं सतर्कताया नितिं नेपाल सरकारया २०७६ चैत्र ५ गतेया मुँज्याया निर्णय कथं थीथी शैक्षिक संस्था, सरकारी व गैरसरकारी संघसंस्था नापनापं थीथी निकायपाखे. न्ह्याकीगु ज्याझ्वः सभा समारोह, गोष्ठी, तालिम, सम्मेलन, अधिवेशन आदि दिकेत सुचं पितब्युगु जुयाः नेवाः देय् दबूया दक्व तहया समिति, दुजः, जातीय खलः पुचः व सम्बन्धित सकलसित उकथं हे यानादीत इनाप यानातःगु दु ।
बिज्ञप्तिइ”नेपाल सरकारपाखें दक्व देशवासी नागरिकया स्वास्थ्यय् च्यूता: कया: महामारी रुपं न्यनाः वयाच्वंगु भाइरसया प्रभाव मलाकेत या:गु निर्णय व सुचंयात दुनुगलं लसकुस यासें दक्वसित थुगु विषम परिस्थितिइ संयमित, सचेत व सतर्क जुयाः थुकिया नियन्त्रणया नितिं जुयाच्वंगु सकतां कुतःयात धिसिलाकेत थःथःगुपाखें सकारात्मक भूमिका म्हितेत इनाप यानाच्वना ।’ धका: उल्लेख यानात:गु दु ।
नेवा:तय् राष्ट्रिय संगठनया थुगु बिज्ञप्ति सरकारं सचेतता ज्याझ्व: पितह:गु दिनय् हे पिहांव:गु दु ।