आनन्दसिद्धि तुलाधरया “लिज:” पिदन

यें/  आनन्द सिद्धि तुलाधरया लुमन्ति, बाखं व चिनाखं मुना ‘लिजः’ नांया सफू विमोचन जुल ।
वंगु चिल्लागा पञ्चमी, चैत १ गते शनिवाःया खुन्हु छगू ज्याझ्वलय् मूपाहाँ चन्द्रानन्द नेवाः नं उगु सफूया विमोचन यानादीगु ख:  ।
नेपालभाषा परिषदया ग्वसालय् जूगु थुगु ज्याझ्वलय् सफूतिइ दुुुथ्या:गु च्वसुया बारे मल्ल के सुन्दरं समीक्षा यानादीगु खः ।
ज्याझ्व:या सभा नाय: नेपालभाषा परिषदया नायः प्रा. सुवर्ण शाक्यं  सफू पिकायेगु धैगु विचारया सम्प्रेषण यायेेेगु खः धयादिसें साहित्य धैगु युग सापेक्ष जुइमाःगु खँय् नं बः बियादीगु ख: ।
मूपाहांया  १८ वडाया पुलांंम्ह वडा अध्यक्ष चन्दानन्द नेवाः नं थःगु नुग: खँ तयादीगु ख: ।
ज्याझ्वलय् च्वमि तुलाधरया ‘अकुपाइ तिनख्यः’ नांया चिनाखं वयक:या म्ह्याय् , नेपालभाषा साहित्यकार दिब्या ताम्राकारं न्यंकादीगु खः ।