नेपालभाषा ब्वनेज्वलं दयेकल

येँ/  सिल्लाथ्व, त्रियोदशी । नेपालभाषा स्थानीय  पाठ्यक्रम निर्माण छगू तगिं निसें च्यागू तगिंतक्कया नेपालभाषा विषयया ब्वनेज्वलं दयेकाः पितब्वज्या याःगु दु । नेपालभाषा स्थानीय पाठ्यक्रम निर्माण समिति शिक्षा विभागया ग्वसालय् शुक्रवाः लखुतिर्थ जगत सुन्दर ब्वनेकुथिइ बरुण प्रसाद वैद्यं न्ह्याकादीगु उगु प्रबोधिकरण ज्याझ्वलय् नेपालभाषा केन्द्रीय विभाग प्रमुख प्रा.डा. ओम कारेश्वर श्रेष्ठ, डा. चुन्दा बज्राचार्य, नेवाः सेनामि दबूया न्वकू कृष्ण भक्त मानन्धरपिसं न्वचू तयादीगु खः । नुगःखँ तयेगु झ्वलय् नेवाःतय्गु मूम्हसीका धैगु हे नेपालभाषा खः, अथेजूगुलिं नेवाःत व नेपालभाषा संरक्षण यायेत नेपालभाषा विषयया ब्वने ज्वलं नापं प्रत्येक ब्वने कुथिइ नेपालभाषा सेनामिपिनिगु कोटा नं अनिवार्यरुपं तयावने माःगु खँय् मानन्धरं बःबियादिल । अथेहे ब्वनेज्वलं तयार यायेत येँ महानगर पालिकां माक्व गुहालि बिइगु येँ महानगर पालिकाया शिक्षाविभागया नि.अधिकारी तारापति खरेलं धयादिल । किपा : राजेन्द्र रञ्जित नेवाः सूचना केन्द्र येँ,