रामग्रामको गुरुयोजना तयार ,११७ बिघाको गुरुयोजना क्षेत्र

बिनु चौहान्, सुभाय् पोस्ट संवादाता
लुम्बिनी/ लुम्बिनीसँग जोडिएको क्षेत्रको एकीकृत विकाशका लागि परिकल्पना गरिएको ग्रेटर लुम्बिनी अन्तर्गत रामग्रामको गुरुयोजना तयार भएको छ ।
योजना अनुसार बुद्धको अस्तु धातु रहेको रामग्रामलाई लुम्बिनीसँग जोडेर एकीकृत विकास गर्ने गरी रामग्राम स्तूप क्षेत्रको गुरुयोजना गरिएको छ । बुद्धको जीवनीसँग अभिन्नरुपमा जोडिएको स्थल भएर पनि पूर्वाधार निर्माण र प्रचारप्रसारको अभावमा यो क्षेत्र ओझेलमा परेपछि गुरुयोजना बनाएर विकास गर्न लागिएको हो ।
राज्यले उपेक्षा गरेको भन्दै आलोचना र छुट्टै रामग्राम विकास कोषको माग भइरहेका बेला लुम्बिनी विकास कोषले सात अर्ब लागतको गुरुयोजना बनाएको हो । त्यहाँँको ऐतिहासिक पुरातात्विक तथा धार्मिक स्थलको विकाश गरी बुद्धसँग सम्बन्धित बिभिन्न संरचनाहरु निर्माण गरिनेछ ।
नेपाल सरकारले बनाएको ग्रेटर लुम्बिनिको परिकल्पना अनुसार अब लुम्बिनिसँगै देवदह,रामग्राम र तिलौराकोट्को एकिकृत विकाश गर्नेगरी योजना बनाइएको कुरा बुधवार लुम्बिनिस्थित कासाइ होटेलमा एक पत्रकार सम्मेलन आयोजना गर्दै कोषका योजना प्रमुख सरोज भट्टराइले जानकारी दिए ।
ग्रेटर लुम्बिनी अन्तर्गत बनाइएको गुरुयोजनाले स्तुप क्षेत्रको एक सय १७ बिघा जग्गा समेटेको छ । गुरुयोजना अनुसार जग्गा अधिग्रहणका लागि एक अर्ब ५० करोड र संरचनाहरु निर्माणका लागि साढे पाँच अर्ब रुपैयाँ लागत अनुमान गरिएको छ ।यो बजेट सरकारसँग माग गरिएको पनि जनाइएको छ ।
नवलपरासी जिल्लाको रामग्राम नगर पालिकामा रहेको यो क्षेत्रको रामग्राम चैत्यमा कहिल्यै ननिकालि राखिएको बुद्ध अस्तु धातु रहेको कारण पनि अझ बढी महत्व रहेको क्षेत्रको रुपमा लिएको छ ।
बौद्ध तिर्थयात्रीहरुका निम्ति यो एक महत्वपूर्ण स्थलको रुपमा लिइएको छ ।