गंगाया “स्वनिग:या नेवा:” पिदन !

यें/ गंगादेवी महर्जनया नेपाल भाषाया म्येचा: स्वनिग:या नेवा: विमोचन जुल ।
वंगु पोहेंलाथ्व २ (पुस १२) गते शनिवाःखुन्हु नेपालभाषाया म्यें हालामीनापं नेवाः एफएम १०६.६ मेगाहर्जया रेडियाे संचारकःमि गंगादेवी महर्जनया “स्वनिगःया नेवाः” म्येंचाः पितब्वज्या व हनेज्या” ज्याझ्वः येंया राष्ट्रिय नाचघरया हरिप्रसाद रिमाल हलय् जुल । ज्याझ्वःया मू पाहाँ जनकवि दुर्गालाल श्रेष्ठ खःसा विशिष्ट पाहाँ यें महानगरया मेयर विद्यासुन्दर शाक्य जुयादीगु खः ।
लोककवि राजभाइ जक:मिया च्वसां पिज्व:गु म्येयात राजु सिंहं लसय् हनादीगु अले जुुुगल डंंगोलंं संगीत संयोजन यानादीगु थुगु म्येय् चा:या पितब्वज्या नेवा: देय् दबू येंय् जिल्लाया ग्वसालय् जूगु ख: ।ज्याझ्वलय् जनकवि दुर्गालाल श्रेष्ठयात गां न्ययेका: हंगु ख: अथे हे थुगु म्येचा: पिथनेत थीथी ज्या यानादीपिन्त हनेगु ज्या नं जूगु उगु ज्याझ्वलय् विमोचन जूगु म्येचाया म्येहालामि गंगादेवी महर्जनं म्ये हाला: न्यंकादीगु  ख: ।