असनय् सांस्कृतिक उत्सव व नेवा: नसा सफू ब्वज्या नख:

नेसं ११४० न्हूदँया लसताय्  शनिवाः असनय् छगू सांस्कृतिक  ज्याझ्व: जुल ।
ज्याझ्वलय् नसाः त्वंसा स्टल व सफू ब्वज्या ब्वज्या नं जूगु ख: ।
नेपाल संवत न्हूदँ राट्रिय समारोह समिति ११४० , यें महानगरपालिका २७ वडा ज्याकू व असन सेवा समितिया ग्वसालय्  शनिवाः सुथय् ११ बजेनिसें न्ह्या:गु ज्याझ्व: बहनितकं जुयाच्वंगु ख: । ज्याझ्व: उलेज्या येँ महानगरपालिकाया मेयर बिद्या सुन्दर शाक्यं यानादीगु ख: । उगु ज्याझ्वलय् उप-मेयर हरिप्रभा खडगी श्रेष्ठ लिसें १७ वडा व २५ वडाया नायःपिं पाहाँ कथं झायादिगु खः ।
नेपाल संवत न्हूदँ राष्ट्रिय  समारोह समिति ११४० या नायः रमेश महर्जनया सभापतित्वय् जुगु खः।
नेपाल लिपि गुथि पाखें लिपि क्यालि जात्रा थुगु ज्याझ्वलय् नं न्ह्यब्व:गु ख: ।
अथे हे लिपांगु ब्व ५०म्हंं मल्याक कलाकारपिसं म्ये हालादीगु ख: ।
ज्याझ्वलय् नसा: स्टलय् तस्कं हुल खनेदुगु ख:। ब्व:ति कयादीपिनी ज्याझ्वलय् म्ह्व: जक ध्यान वंगु थें खनेदुगु ख:।
असंथें ज्यागु व्यस्त थासय् ता:हक:गु ज्याझ्व: यायेबलय् गुकथं व्यवस्थापन यायेमा: धैगु कमजोरी नं खनेदुगु थुगु ज्याझ्व:लय्  भोलिन्टियरत माक्व ग्वसा:खलकं छ्यलेमफुगु खँ ब्वति का:वपिसं अनुभव या:गु नं ख:।

असंया थुगु ज्याझ्व: नेवा: एकता दिवसया प्रचार कथंं नं का:गु ख: ।