सुदुर पश्चिमय प्रदेसय् नं नेवा: मिसा दबू , कैलाली व कंचनपुरय् जिल्ला समिति गठन

कंचनपुर/ने स.११४० थिंलागा: अष्टमी खुन्हु पुनम श्रेष्ठया संयोजकत्वय् नेवा: मिसा दबू सुदूरपश्चिम प्रदेस समिति गठन जुल। ज्याझ्व: नेवा: देय् दबू सुदूरपश्चिम प्रदेस समितिया ग्वसालय् जूगु छगू ज्याझ्वलं पुनम श्रेष्ठको संयोजकत्वय् नेवा: मिसा दबू सुदूरपश्चिम प्रदेस समिति गठन या:गु ख: ।थुकिया नितिं एं नं केन्द्रीय नाय: रश्मिला प्रजापति सुदुर पश्चिम प्रदेशय् झा:गु ख: ।
सुदुर पश्चिमया निगू जिल्ला कैलाली व कंचनपुरय् नं नेवा:  मिसा दबूया जिल्ला समिति गठन जूगु दु ।
कैलाली जिल्लाय् नेवा: मिसा दबूया जिल्ला समिति शैलु श्रेष्ठया नाय:सूइ निस्वंगु दु ।   नेवा: देय् दबू कैलाली जिल्ला समितिया ग्वसालय् जूगु छगू ज्याझ्वलं उगु समिति निस्वने ज्या या:गु ख: ।ज्याझ्व: नेवा: देय् दबू कैलाली जिल्ला समितिया नाय: पुष्कल कर्माचार्यया सभानाय:सूइ जूगु ख: धा;स नेवा: मिसा दबूया केन्द्रिय नाय: रश्मिला प्रजापति मूपाहाँ; नेवा: देय् दबूया केन्द्रिय ज: बिकास श्रेष्ठ, नेवा: मिसा दबूया केन्द्रिय दाँभरी अर्चना तण्डुकार बिशेष पाहाँ; नेवा: देय् दबू प्रदेस नं ७ या सहसंयोजक बिजयालक्ष्मी श्रेष्ठ पाहाँ कथं थ्यंगु ख: ।